السلام عليكم
خواتي انا هذا اول حمل لي و كنت ابا اعرف منكن شو الاكل اللي يكون وايد زين للحامل بالذات الاعشاب و الادوية الشعبية
مثلا
قالولي زين الوحدة تشرب حلبة في الشهر الاخير لانها تلين المفاصل و تساعد على الولادة الطبيعية
و قالولي المكسرات وايد مفيدة بس ما ادري في اي شهر بالذات اللوز لانه يقوي العظام
اللي تعرف اشيا ثانية تقول و خلينا نعتمد على خبرات اهالينا و امهاتنا و يداتنا و ان شا الله الموضوع يتثبت و يستفيد منه الجميع
خلونا نشتغل بهاي الطريقة:
اسم الغذاء:
طريقة تناوله:
مناسب للشهر:
الفائدة:
و انا بابتدي باللي اعرفه:
اسم الغذاء: الحلبة
طريقة تناوله: منقوع بالماء او مع الحليب او الكستر
مناسب للشهر: التاسع
الفائدة: تليين عظام الحوض و المفاصل لولادة أيسر
يالله اترياكم جزاكم الله خير
للرفع
للرفع
أنا بعد للرفع
اختي انا بعد هذا اول حمل لي بس استفدت من اخواتي
منعوني من الموالح والغازات والاكلات اللي تسبب الاسهال واهم شي الاناناس هذيل ابتعدي عنهم لانها زينة للجنين والرحم
وعن المكسرات لا تكثري منه بعد
ثري من الفواكه والسلطات خاصة الطماط وكثري من الرميان بعد طول فترة الحمل
واهم شي تحافظين ع اكلج صحي وباوقاتها ولا تنسين الحليب والبيض علشان البيبي
وان شاء الله بس اتذكر شي ولا بيقولون لي شي يديد بخبرج
أنا ناوية ان شا الله في الحمل الياي اني اكل قفشة عسل من بعد الثالث.. لأنه سمعت مرة واحد أخصائي أعشاب يتكلم ان العسل زين حق الام والياهل,, ويعطيه جمال ونعومة.. جربي وخبريني.. البيبي طلع غاوي وناعم؟؟؟
هي امي دوم بعد تغصبني ع العسل وانا ما احب السكريات وايد بس لازم اخذه ع الريق بعد