ساعدوني بالي مهموم من يومين ونفسيتي زفت
ريلي مسافر صارله أسبوع وهذي أول مره يسافر فيها بروحه
وحالتي لله احاتيه وقلبي عليه
بس حاليا انا وااايد منقهرة منه وبنفجر بعد
في الويكند يلست أرتب أغراضه فالغرفة واكتشفت ورقة دخول حق القرية في كبته
في تاريخ ما أنساه لأني تضاربت وياه في هاليوم هو قالي أنه بيتلاقى مع ربيعه وماتصل فيني خير شر ويوم أكلمه ما يرد واتصل فيني بعد فترة طويلة وقالي انه نسى تلفونه في السيارة
بس قلبي نغزني هاك اليوم وتميت محتشرة عليه بس هو ابدن ما غير موقفه والحين عرفت السبب وتفسير تصرفاته الغريبة
وايد زعلت ليش جذب علي انه راح دبي وانه طلع للقرية يقدر يقول هالشي انا مامنعه من طلعه او غيره
ف الشك يلعب فيني لانه خش الموضوع بالدس معناته فيه شي وراه ولا ليش يجذب على شي تافه
كنت ناويه اسويله حفلة يوم يرجع واعزم اهله بس خلاص نفسي طابت واحس اني بنفجرررر
انصحوني شوه اسوي؟ هل اواجهه؟ وكيف اواجهه؟
على فكرة هذي مب اول مره اكتشف انه يجذب عليه، بس يجذب في اشياء تافه ما تستاهل الجذب
وايد تعبت في هالموضوع فيدوني
تمت الموافقة
الكلمة الطيبة صدقة
واجهيه اكيد ، بس بهدوء
وخل تركيزج بالنقاش مب ان تضاربين
لا
ان تعرفين ليش جي يكذب شو اللي يخليه يكذب
شو ناقصه وشو مب عايبه
ناقشي بهدوء عشان تلاقين اجابات تحل المشكله ، مب عشان تضاربين ويسوء الوضع
صارحيه ببرود تام حبيبتي ,,تصنعي البرود ,,وبعدين ردي حسب الوضع,,
يعني لو كانت طلعه مع اصدقائه ,,مافي مشكل كلهم يسوونها خصوصا بايام المشاكل ,,روقي حالك
وقولي ثاني مرة خذني معك
مسامحتك هالمره لا تتكررها,,بمزح.
أختي الله يهداج كبرتي الموضوع وأيد يمكن خش عنج موضوع القريه عشان ما تزعلين شكلج من النوع الزعول وأيد
أنا أشوف الموضوع مايستاهل ها كله
لا تكبرين الموضوع وكملي الحفله والعزيمه الي كنتي بتسوينها له ولأهله
انتي وايد حساسة خفي عليه بيكون صادق وياج بإذن الله
اختي لا تخلين الأفكار السلبية تلعب بمخج وتخرب حياتج
إذا هو ما خبرج عن سالفة القرية ف مب معناه انه يالس يسوي شي غلط من وراج، انتي قلتي انج تضاربتي وياه ف نفس اليوم وهو ظهر وخلاج يمكن حد عزمه عالقرية من ربعه وسار بدون ما يقولج عسب ما تشلين في خاطرج أو تكبر المشكلة.
موضوع الجذب ممكن معالجته بس انتي مطلوب منج الهدوء والإيجابية فالتفكير لا تكونين سطحية وتخلقين مشكلة مالها داعي، يلسي وياه
وسئليه ليش هو مب صريح وياج حتى لو بأشياء تافهة من وجهة نظرج، وترى الموضوع ما فيه شي يستدعي المواجهة عشان ما يحس انه تفكيرج تافه.
الله يهديكم ويصلح الحال