السلام عليكم
خواتي السموحه والله بس ضايجه وابا افضفض لكم
انا انسانه متزوجه .. وزوجي بعيد عني …. يعني يدوام برى الاماره
عايشه مع عمتي …
وعمتي فيها نوع من التحكم …. المهم السالفه
ان عمتي دخلت علي الغرفه وبها الوقت وشافتني يالسه على النت … وهي ما تدري ان عندي جهاز لانها طبيعتها متدخله شوه ابا وما ادري اشوه ومن ها السوالف
انا اشتريت الاب توب وهي ما تدري تقريبا صار لي سنتين وانا خاشه عنها
يوم دخلت شافت ليتات الصاله والعه قالت لي ليش ما اتسكرينه يصرف كهربه
لان شافت الباب التحتي مفتوووح
وهاي عمتي وايد رماسه من النوع الي تتكلم عند الناس
والله يعين والله شوه باجر بتتكلم
هي من دخلت قالت لي شوه اتسوين
وتبى تعرف شوه الجهاز الي عندي
انا سكرته وقلتلها ما عندي شيء
والله حاله ملل طفر ها العيشه اعوذ بالله
احس اني ضايقه ومتوتره ابا منكم اتهدووون وتعطوني الحل شوه اقولها باجر
ارجوووكم ردووو علي ….. والله كريم
طنشيها ولا تسويلها سالفه داام ريلج رااضي خلاص
قوليلها ها ريلي اشترالي هالاب توب
والي فخاطرج سويه ماعليج منها
ريلج يعرف ولااا إنه عندج لا بتوب ؟؟
.. عادي قوليلها عندي لابتوب شو مشكلة,,
.. خير ياطير عندج لا بتوب شو يعني انتي ما تسوي شي غللطــ فيه واذا اتسوي شي غلط في النت هشي بينج وبين ربج ,, ويوم انج واثقة من عمرج ما عليج من عمتج ،،
.. وحاولي تتقربي من عمتج وايد أحسها طيبه ولو تدخل الحريم الكبار جذا احسهن ..
المشاركة الأصلية كتبت بواسطة ام وعووودي 
أذا ناقش امه بتستوي مشاكل ،،
الله يعينج حبيبتي بس خلج عادي لا تهتمي ….!!!
اخواتيريلي يعرف ان عندي عادي عنده …. وهو يشوفني ادخل في ها الوقت وماعنده اي مشكله
بس عمتي من كم سنه عندي كمبيوتر جهازز … احتشرت ليش عندي ليش اونه هاي مدرسه
اوالحين الاب توب ماتدري عنه
لان من شافته اتقربت عنده وتبى تفتحه شوه هااا تبى تعرف عاد باجر بتكون النشره