اريد تكون هذي موسوعة حلوة للحوامل اللي اول مرة بالذات
ومن خلا ل تجاربكم في الحمل تذكرون الاشياء المفيدة والضارة للحامل
سواء من الاكل او الشرب والعادات الغذائية بشكل عام
وشو الاعشاب المفيدة والضارة للحامل
واتمنى من الجميع المشاركة
يالله نبدا بسم الله
هذا أول حمل لي…إن شاء الله الأمهات إيفيدونا….
اممممممم انا الحمدلله عندى 3 اطفال
بالنسبه للاكل عادى تاكل اي شي بس يقولون العسل الاصلى مو زين
في 3الشهور الاولى ولازم الوحده تشرب حليب وتاخذ الفيتامين اذا الدكتوره
خبرتهاا ان عندهاا نقص فيتامين
وان شاء الله اتذكر وارد اخبركم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أنا بعدنـــي مــا حــمـــلت ….
حبيبتي لازم تبتعدين عن الاناناس وبابايا
وعليج بشرب الحليب اذا ما تحبينه اشربي حليب لاكنور بنكهة فراوله
اذا صابج امساك كلي لج موز واااايد زين
اذا تذكرت شيء برجعلج ^^
الله يتمم لج حملج
بنااات الممنوعات و منها الاناناس و سمك القرش ( الجشيد ) بكثره و الاحسن التونا تقللين منه لانه يحوي على زنك بنسبه عاليه يعني كلي بس من فتره لين فتره مب كل يوم و الثاني .. ماشي حلبه .. و ابتعدي عن الموالح الزايده و الحلويات يعني كلي بس باعتدال شديد جدا .. المشوربات المنشطه مثل الرد بووول و الفيتامين سي .. الجاهي و الكافين التقليل منها وايد يعني يكفي كوب فاليوم لا تكثرون و يفضل الابتعاد كثر ما تقدرين لانه ياخذ الحديد كله .. و التيراميسو ( الكيكه ) و الجيييييز كيييك .. تمي بعيد عن اي حد يدوخ .. اشربي لتر ماي عالاقل يوميا و كل ما زاد كل ما كان احسن .. اتجنبي الماي الحار فالسبووح يعني الدافي اوكي و لا تتودنين فالحوض و الماي مايل على حروره و ان كنتي فاول الشهور يفضل تبتعدين تماما .. ماشي حمام مغربي .. لا تفركين بطنج بالليفه عساس ما تطلعلج تشققات فالبطن 
.. و خذي كريمات و اويلات و زيوت حق هالشي .. لا تشلين اشيا ثجيله .. ريحي كثر ما تقدرين .. بتواجهين تغيرات نفسيه وايد يعني ممكن تستوين مزاجيه بشكل مب طبيعي او عصبيه او تتاثرين بسرعه و تصيحين و هالشي طبيعي من هرمونات الحمل .. ممكن يصب دم من اللثه و ها بعد تابع للحمل بس الافضل التمضمض ابماي دافي و ملح .. الابتعاد عن لبس الكعب و الثياب الضيجه مثل الجنز .. الابتعاد عن الكيميائيات مثل منظفات البيت و الفليييت .. اشربي حليب يوميا و لو ما تتحملينه اشربيه و يا جوكلت ما ينحس بطعم الحليب .. لو ياج اسهال اكرمكم الله اشربي و عوضي الماي .. و لو ياج يبوس عليج بالموووز .. و لو تقدرين تخلين الشمي تضربج كل يوم عالاقل 10 دقايق لانه هالشي بيفيد عضامج وايد .. طبيعي تزيد عندج الغازات هالفتره و الاسهال و الامساك ها كله من توابع الحمل .. حتى الارق ممكن يستوي او الزياده فالنوم و الكسل و التعب .. وو التيلفون لا لا تخلينه في حضنج و لا الاب توب و بس خخخخخخ اذا اتذكرت شي برد و بكتب