السلام عليكم خواتي..
طبعا هذا اول حمل لي ..وانا الحين تقريبا في نص الشهر الرابع او اكثر اشوي وابى اعرف كيف اعرف ان الي احسة هي حركة الجنين لان لي من امس وانا احس بنغزات في بطني في مكان واحد مرات تكون ما في فتره طويله بينهم يعني كل شوي ومرات بالعكس فما اعرف هل هي حركة الجنين ولا شي ثاني ؟؟!!
فرجاء من الاخوات الي عندها خبره لا تخبل علي وتخبرني ..
واسمحولي على الاطاله
الغاليه … طيحي على ظهرج … و تمي حول 5 او 10 دقايق … وخلي نظرج مركز على بطنج… بتلاحظينه يناااقز … لان نوم الام على ظهرها يضايج البيبي
وبعد اظغطي بحركات حفيفه هذا الشي بيظايقه وبيخليه يتحرك …
مممممممم ممكن الي تحسين فيه يكون غازات ..
لانه الجنين بعده صغير .. وما ينحس بحركته .. ^^
ان شاء الله لما توصلين نص الخامس او آخره بتحسين بحركته .. ورفساته .. بس بتبين بزياده في ىخر السادس .. بتشوفين بطنج ينقز .. ويستوي شكله مربع ومثلث لوووووووووول ..
انا في نص الخامس و بعد احس بنفس الشي
بس وحدة قالت لي ان في التاسع كنه يرفرف في الماي
و بعد يركل بقو تعرفين
مشكوووووووووورين خواتي على ردكم لي ..
بس انا حسيت انكم فهمتوني اني اقصد الي احسه شي قوي في بطني ..انا لي احسه شي بسيط والنغزات هذي تقريبا مثل وخزالدبوس الخفيف في بطني ..وهي تقريبا في مكان واحد..وانا سالت اختي وامي قالولي احنا نحس في الشهر الرابع مثل العرق الخفيف في البطن ما نحس بنغزات ..
فياريت اطمن اكثر اذا في احد يحس مثلي ولا هذا شي ثاني
وسمحولي مرة ثانية ..
مثل ما قلت لج الغاليه هذي غازات ..
وهذا شي عادي .. لا تحاتين ^^