اغراض المدارس

خواتي شو رايكم نسوي استفتاء عن احسن المحلات اللي تبيع اغراض المدارس وانا لازم الاغراض تكون جاهزه اول شهر اغسطس لأني اعاني من هالمشكله كل سنه وانا ببدأ:
جربت شومارت للأحذيه بصراحه كانو اول احسن عن الحين واختي في ابوظبي مدحتلي مكان تاخذ منه جواتي عيالها اعتقد اسمه هش بابيز تقول انه جواتيهم زينه وما تخترب طول السنه
يلا خواتي ابا تفاعل انشاءالله لأني يوم اروح اشتري اغراض المدارس كني رايحه اشتري اغراضي مالت العيد من كثر الفرحه حتى ابوالعيال يقول كنه انتي اللي بتروحي المدرسه مو العيال.
:1 (35): :1 (69): :1 (35): :1 (69): :1 (35): :1 (69): :1 (35): :1 (69): :1 (35): :1 (69):

~::~

~::~

انا ما عندي حد في المدرسه بس اللي
أعرفه هش بابيز جواتيهم طبيه وجدا مريحه .. كنت آخذ منهم و انا حامل .. بعد جواتي اوكي عندج شومارت و ماركس سبنسر .. شو سيتي
عندج قرطاسية فاروق للأدوات المكتبيه .. ومكتبة جرير و غيرهم من المكاتب الكثيرة
عندج بيبي شوب يبيع سوالف بعد شنط حق اليهال ..
الجمعيات .. نفس كارفور و جمعية بوظبي

سلام عليكم خواتي
ان شاءالله ولدي هالسنه مدرسه, الجواتي وانتوا بكرامه ناويه من ايكو او كلارس, وايد زينين و يهبلون.
هش بابيز وين صاير بالامارات؟؟؟
بالكويت عندنا تعتقدون اشتري من هني ولا لما ارجع الامارات اشتري له كل شي؟
بنات ممكن اللي تعرف محل يبيع جواتي مخصص لليهال لعلاج الفلات فوت و يكون شكلهم زين تقولي وين. ولدي الفلات فوق عنده قوي و بغيت له شي زين. بالكويت فيه محل بو شهري لكن جوتي الفلات فوق شكله مو عاجبني.
الملابس طبعا من مدرسته. الأدوات المكتبية من الكويت جرير و مكتبات حولي. لكن إن رجعت الامارات ان شاءالله قبل مااشتريهم راح اروح المجرودي احسهم يهبلون.

شوقتوني على اغراض المدرسه

خواتي ما ركة هاش باابيز هذه موجوده في شومارت .. انا عن نفسي احب ماركه بابلوسكي موجوده في شومارات بعد بصراحه كشخه وايد بس غاليه جدا بصراحه وانا خذيت منها جواتي لاولادي وبنتي ..

والقرطاسيه من اي مكان عندي ما تفرق ..

اختي طيبة الكويتية بالنسبة لولدج حالته نفس حالة ولد اختي وهي دايما تفصل له جواتي في دبي عند صيدلية البيت العربي .. واشكال الجاوتي والصنادل حلوة بصراحه بس غالي شوي