اعاني من نزيف ساعدوووووووني ارجوكم ولو بالدعاء

اخواتي بقولكم قصتي مع الشرخ الشرجي وشو صارلي

انا من حوالي 5 سنين اعاني من شرخ يروح ويرجع .. تعالجت عند كذا دكتوره ..

اخر مره كان علاجي عند العياده الصينيه و الحمدلله استفدت شوي بس احين رجعلي من حوالي شهر ..

لكن احين هالعياده سكرت ..

وقريت وايد عن عيادة دكتور جهاد ..

وقررت اروح للدكتورة الزائرة اللي تي عندهم ..

سرت لها تاريخ 16/4 يعني قبل 3 اسابيع ..

قالت لي عندي شرخين و عالجتني بالاشعة تحت الحمرا .. وعطتني ورقة طويله فيها تعليمات وادويه اتبعها

والله يا بنات اني ماقصرت في ولا شي .. حتى الاكل مثل ماوصفته بالضبط ..

واليرح وقف نزف لكن مازال مكون له مثل حفرة مؤلمه يابنات ..

و مايهون عليه الا اني احط مرهم مخدر موضعي ..

وتخيلوا يا بنات عقب مامر اكثر من 20 يوم .. واشوف انه في تحسن طفيف لاباس فيه

انصدم امس بنزيف حاد من الجرح .. و لا كانه التم في يوم ولا تعالج ..

تخيلوا واتصلت للدكتوره وصفت لي علاج حبوب مكثف لمدة اربع ايام . وتقول تريي لين ايي البلاد يعني عقب 20 يوم بتي ؟

تخيليوا انا ماصدقت طافن 20 يوم ارد اتريا 20 يوم ؟

ويوم كلمت الدكتور جهاد .. قال لي الوضع مب طبيعي انه اصلا الجرح يكون حفره و اللي مول مب طبيعي انه عقب 3 اسابيع ينزف بشكل حاد ..

قلت له شو اسوي ؟ قال يا تين اشوفج لاني ماقدر احكم جيه .. او تترين الدكتوره ..

قبل كنت رافضه فكرة الدكتور تماما .. بس عقب اللي صار لي .. و المشكله انه الدكتوره مطولة لين اتي .. و موضع الجرح مايطمئن .. تراودني فكرة اني اروح له ..

والله اني متعذبه من الالم .. ما قدر انام ساعتين على بعضهم ..

شوروا عليه او ادعولي الله يخليكم