بصراحة عندي مشكلة اليوم طحت فيها // هي مب مشكلة بس انا تسرعت ..ولو تقدرون تنصحوني وايد بكون شاكرة لكم…
في الدوام انا ييت عند زميلي عسب اعطيه اوراق هو كان طالبنه مني …فيبت الاوراق عنده وهو شاف الاوراق وخلص …المشكلة محد كان يالس عنده فيلست وتم يتكلم انه هو مب عاطينه شغل وملاان ..وعقب ترخصت منه وسرت اكمل شغلي …وعقبها بدقايق هو يا عندي وتم يسولف …حسيييت فشلة ..الموظفين تموا يشوفون …انا تميت ساكتة والمشكلة هو يتكلم بصوت خافت ..!!
وعقب قبل لا اطلع ييت عسب اخبره ان عادي نترخص من وقت ..ويوم ييت اخبره حسيت انه هو تم يسولف عادي وياي ..!! حسيت انه هو يتحراني انا عادي اخذ واعطي …انا شفت ويوه الموظفين حسيت انهم يتحرون شي بيننا ..!!
انا ادري اني غلطت يوم رمسته في البداية …هو صح انا ما اطلع بسوالفي برع الشغل بس بنفس الوقت ما حب يوم الموظفين جي يطالعوني وكاني سويت شي غلط 
المشكلة الحينة انا ما عرف شو اسوي …احس انا حتى لو ما كلمته هو بروحه بيي عندي …انا ما كنت اكلم حد في الدوام …بس المشكلة يوم بديت اكلم هالشخص الكل قام يشوفني بنظرة …ما عرف كيف اخلي علاقتي سطحية وايد وياه ..!! شو اسوي ..؟ احس مب حلوة ايي الدوام وما اسلم عليه ..!!
لا تقولوون وقفيييه عن حده ..هو ما غلط علي وهو بروحه وايد خجول…وطبيعة عملي يتحتم اني اتعامل ويا الكل …بس ما ابي توصل للسوالف والاشياء الجانبية ..
انا غلطت كيف اصلح غلطتي
انتي قلتي ان الريال خجول يمكن ارتاح لج كزميله و ما صدق حد يسولف معه و الموظفين ما ادري بصراحه طريقه نظرتهم يمكن استغراب بس
ما ادري ان شاء الله غيري يفيدج
عادي سويله طاف وعقب بيمل
اهم شي سمعتج
لا كيف توقفينـه عند حده يمكن الريال مايقصد شـي وانتي تسيرين تكلمينـه فهـا الموضوع شو بيقول ؟ بيقول انتي اللي شي فخاطرج .!
الغاليه خلييج عاديه ولاتآخذين وتعطين وياه إلين مايفهم عمره ويروح عنـــج
هيه حليله اكيد مايقصد شي
وبروحه قال لج انه ملان
يعني اكيد لو عنده شغل مابيي يسولف وياج
ونظرات الموظفين هاي تجاهليها
ماله داعي والله
احس الموقف عادي بس انتي مكبره الموضوع
وماشوفج غلطتي
ولا انه هو غلط
عادي سويله طاف وعقب بيمل
اهم شي سمعتج
ومثل ما قالوا البنات خلج مع الكل سواسيه
وربي يوفقج حبيبتي