السلام عليكم ورحمة الله وبركاته
خواتي تونا بادين ببنيان بيت العمر وحبيت اتخبر عن جودة السراميك المصري لاني شفت له كذا ديزاين واشكاله خبال
بس انا متخوفة من قلة جودته واني ادفع فيه ذيك القيمة ويطيح بجبدي فاللي عندها فكره عنه او مركبين منه تخبرني عن حسناته او سيئاته
وشكرا مقدما للكل وحده بترد او تتدخل الموضوع وتطلع او ترفع الموضوع
يعني الحين ولا وحده من اخوات تعرف عنه اي فكرة سواء زينه او شيانه
انزين ادعولي على الاقل
سوى بحث على القوقل
ماعندى خبره بهالموضوع
قصدج كليوباترا
انا خذت منه لغرفة ف البيت حلو الديزاين بس بعدني ما جربت لان البيت ما خلص
سيراميك مصري والله ما عرف انصج اجربين سيراميك راس الخيمة وايد روعة حتى فيه ضمان
نحن مجربين سيراميك راس الخيمة وايد اوكيه مع ان اسعاره شوي غالية عندهم شو روم في دبي وشارقة سيري شوفي يمكن يعيبج شيء
حبيت اضيف اذا نفس المكان ما حبيت اسلوب التعامل لان تختارين شي و يوصلج شي ثاني وعقب اتمين عاد لين تردين الطلب وايبون لج اللي تبينه وقت
وانا نفس الاخوات راس الخيمة حلو وفيه اماكن وايد عندهم اشكال حلوة غير السيراميك المصري البيت يباله وايد تحوطين وادورين وف النهاية تختارين اللي يناسبج