السلام عليكم
اشكرك اربيعتي سمحت لي استخدم معرفها وانا دوم اتابع مواضيعكن
وتشجعت اكتب مشكلتي يمكن تكون بسيطة بنظر البعض بس بنظري وايد متعبتني
كل ماتذكرت السالفة لانه دوم اتذكر يوم عرسي 
كانت فيه اغلاط ممكن نسميها بسيطة بس وايد ماثرة على نفسيتي وخاصة لمن اشوف
حد مدح عرسه
كانت زفتي بسرعة كنت وااااايد متوترة وخايفة وامشي بسرعة ماادري ليش جيه استوى فيني
حتى قعدت شوي وبعدين زقروني اروح وتسريحتي مب لين هناك ماادري شو اللي ربط لساني
وغير جيه ماكنت حاسه بشي كل حد يمشيني بكيفه تعالي هنيه ايلسي روحي وانا مع الخيل يا شقراء
خاطري يرد واصحح كل غلط صار
صج مب قادرة انسى ساعدوني كيف اقدر اخلي الوضع طبيعي ادري بتقولون ماعندي سالفة بس والله
كل ماتذكرت تضااايجة واااااااااااايد
نصيحة للبنات اللي بيعرسن خلوااا عنكن التوتر وتمتعوا بكل دقيقة والله لحظة ماتكرر
السموحة منكن وياليت ماتزيدون علي وتقللوا من مشكلتي لانها صارت ذكرى مزعجة
فديتج والله حاسه فيج بس ماعرف شقولج انسي الاشياء اللي كانت تضايقج وتذكري الاشياء الحلوه خلاص ترا اللي راح راح
وتذكري الاشياء الحلوه فقط
فديتج هالاشيا تصير بكل عرس بس مب لازم كل حد يتكلم عنها لان المهم والاهم هي حياة الطرفين بعد العرس .. الحياة الزوجية تفاهم وتضحية وتنازلات ومشاكل وملح وسكر وأهم شي كيف تعيشينها صح ..
حبيبتي مسألة وقت وبتنسين اللي صار أمس
باجر بتييج سوالف أكبر بتشغلج عن سوالف الأمس
يوم بتردين ريوس بذكرياتج بتضحكين وبتقولين معقولة كان هذا الشي أكبر همي !
ربي يسعدج ويوفقج
حتى انا سار معي نفس الشي
وكل ما أتذكر أتضايق كتير.
لو يرجع الزمن بتزوج بدون حفله خخخخخخ
خلاص أيام وعدت لازم ننسها النسيان نعمه من ربي
اطلعي ع الجاي هلا عائله وأولاد كلها شغالات بتنسيكي
مووفقه حبيبتي
ربي يشفي الوالده فديتج..
ليش ما تعتبرين هالشي من المواقف الحلوه المضحكه الي صارت لج يعني انا يوم عرسي ماا قدرت ادخل السياره لاني حسيت انه الفستان ثجيل والله فديته اخوي شلني ولا قبلها كنت متصله في امي اقول لها ما بظهر مب لازم ما اعرف ليش ما قدرت امشي مع اني جربت امشي بالفستان قبل وكان كل شي عادي المهم من وصلني اخوي اول ما دخلت دخلوني من ورا الكوشه لانه فيه فتحه ادخل منها وكان هناااك حريم اول موقف صار لي معاقم الفستان من الظهر انفتحن وعشرين وحده يت تريد تسكره لي ويوم ظهرت ما شليت معاي الباقه لانه ما قدرت امشي بالفستان وكانت وحده من خواتي فديتها تساعدني وحده من الحريم اهلنا قالت لاختي خليها تمشي بروحها جان اصاصر اختي وقلت لها والله لو سرتي بتم واقفه بروحي هنأ لاني مب قادره امشي فاحسلج مشيني الين ما ايلس ع الكرسي والله لا يراويج كيف عدا هذاك اليوم والله ما اتذكر ولا احيد العرس شو صار فيه خليها ع الله بس ه كل ما تذكر كيف اني هددت اختي اضحك..😁ولا هي حليلها صدق زاغت اني ما بمشي لاني قبل قلت حق امي ما بظهر ولا اريد اسير القاعه يااااه ذكريااات..
فديتج عاد انتي اللي بتذكرين كل صغيره ف عرسج اما المعازيم ما بيتذكرون الا العشى والكوشه وفستانج هههه، واختي اهم شي من هالعرس الصور شوفيهن وشوفي حياتج من عقب العرس كيف وقولي الحمدلله ^^