السلام عليكم خواتي شحالكم ان شاء الله بخير
بغيت اسأل منو يحدد المهر البنت ولا اهلها لاني مرات اسمع البنت ومرات الأهل واخاف اسأل اهلي عن الموضوع يقولون لي عن ابو ماتستحين .gif "12 (68)")
وان شاء الله البنت الي تحدد لاني مابغي اثجل على الريال من ناحية المهر
وان شاء الله الشباب يعرفون مب كل البنات يبون مهر عالي .gif "12 (67)")
ترا في منهم يطلبون شوي منهم وايد على حسب العائلة مع احترامي للكل ..
بغيت اعرف اذا فكرت اسوي عرس بسيط واحدد المهر للزهبة فقط وباقي التجهيزات على الريال كم ممكن اقل شي اطلب20 ولا 30 الف.
وكل وحدة اتخبرني بتجربتها لما استلمت المهر وكيف صرفتهم اذا ممكن عسب اتفيدني وتفيد باقي الاخوات.
والي طلبت 20 او 30 او اقل كفاها ولا لأ؟؟
الله يوفق الكل يارب .gif "12 (57)")
حبيبتي .. اطلبي 70 – 100 .. مهر وزهبة .. وها الشي الطبيعي .. ولا توهقين عمرج وتطلبين اقل
الذهب عليهم .. واذا قالو عليج .. اطلبو 50 ..+ ( المهر والزهبة ) .. ويالله يالله يكفيج .. حتى اصلا ما بييبلج طقم عدل
و طبعا العرس عليهم
تبين توفرين .. لا تسوين حفله ملجة وخطوبة وحنا وخرابيط … خليهن كلهن حق حفلة العرس
واذا ما تبين حفلة عرس
وزعوا عيش ولحم .. واملجو وسافرووو هههههه .. احلى شي
بس نصيحة .. لا تقولين بوفر وما ادرشوو وحليله
يباااج .. بيعطيج ل وراه واللي جدامه ..
بنت خالتي عرست بدون ما تسوي عرس … وتخيلي يعايروونها يقوولولعها انتي ما صدقتي خذتي ولدنا
خلج غالية ولا ترخصين بعمرج
مووقف جدامي صااار .. والله الشاهد
المهر غير الزهبه ^^
والمهر معروف انه من حق البنت تتصرف فيه .. والاهل الي يحددونه
الله يوفق الجميع ويرزق كل البناات الزوج الصاالح يارب
خلي اهل المعرس هم ايبون الي يبونه والله كريم
حبيبتي انتي تبين الريال ولا تبين فلوسة ؟؟..
وبعدين لاتاخذين بشور احد خذي بشورج انتي وشوفي عاداتكم وتقاليدكم شو هي وامشي عليها
انا مهري 30 وامي حطت فوقه 30
30 بروحها راحت لذهب وهذا بالنسبه لنا نحن اليمنين يكون لازم الذهب كبير وعريض وثقيل وعيار 24
وال30 الثانيه راحت بحجز قاعه الحنا وزهبتي .. والزهبه مو شرط تترسين الكبت ثيثاب لا حبيبتي
الزهبه بالشي الي بيمشيج اول فتره من زواجج وللمناسبات الاهليه الي بتصير لج
ولاحقه على الصرف يوم بتكونين عنده مو شرط كل شي غالي لانه محد بيدرا عنج
بيرمسون يوم وبينسوج سمحيلي هاي وجهه نظري ووجهتها لاهلي << ما عبروها ولا عطوها وجهه
والله الحين طقم الذهب بالتجوري شو اسوي فيه ما اعرف ابيعه مو حتاجه بس احس سويت شي انا ما احبه لكن عسب ارضي اهلي وما اخلي احد يقول قصرو بحق بنتهم
خلي الذهب يبرز على قولتهم والباقي خذيه خفيف وربي يوفقج
وعليكم السلام اختي
المهر مثل ماحددته الدولة 30,000 مقدم والمؤخر 20,000
المؤخر تاخذينه بعد الزواج اي وقت ( مو شرط يسير طلاق عشان الوحدة تاخذ مؤخرها وهذا الشي وايدات مايعرفونه)
الزهبة غير
خليهم على راحتهم يا انهم اييبون مبلغ حقج حق الفستان والتعديل وهم اييبون الذهب ويجهزون حق العرس من ناحية القاعة والكوشة والبطاقات والترتيبات الباقية
او يعطونكم مبلغ وانتوا تصرفون فيه وتوزعونه على كيفكم من الألف إلى الياء
لاتقولين مابكلف عليهم
صكتوا عنهم اييبون اللي اييبونه
يمكن ناوين اييبولج 300,000 او اكثر لكن ان قلتي مابنكلف عليكم يغيرون رايهم وينقصونج حتى لو هم يقدرون
خليهم ماحد يتكلم في التفاصيل هذي
لكن ان عطوكم مبلغ ( غير المهر) امج تسألهم انتوا بتييبون لها الذهب والا من هذي الفلوس؟؟ بتعرفون عقب وممكن يوضحون هم بنفسهم لكم اكثر
قالوا كل شي من الفلوس اللي بيعطونج انا اقولج شو تسوين
اذا مبلغ بسيط اول شي اجري فستان وخذي لج طقم بسيط تلبسينه للعرس وتقدرين تلبسينه لاي وقت وعزلي مبلغ للمكياج والتسريحة والحنة والتصوير
وعقب حق القاعة والبطاقات
وملابسج حق اول كمن شهر يعني لاتكثرين بس اشتري اللي يناسب الموسم اللي بتعرسين فيه
وان بحبحوا لج بالفلوس بحبحي 
موفقة للخير