خواتي انا استفسار او استبيان بسيط
طبعا بما ان نحن الحريم نحب سوالف الفلل او المزارع اللي في pool
الحين انا مفكرة في شي و قلت ابغي اجوف رايكم
عندي فلة راقية و فخمة و فيها حوض في مكان هادي جدا
تقريبا ابغي اعرف منكم
الايجار للأيام العادية 2024 درهم
الايجار للويك اند : 3000 درهم او 3500 في الاجازات الرسمية و الاعياد
مثلا فيلة راقية و كبيرة و فيها 3 غرف و صالة كبيرررررة و مطبخ راقي و حوض سباحة
في المناطق الشمالية
الأثاث راقي جدا
بليز بنات انا ما أأجر حاليا لاني متخوفة من الفكرة
بس ابغي اجوف رايكم عسب اعدل المكان و اخليه مناسب للأيجار
هل الايجار مناسب ؟
لان الفلة على البنك و عليها فوايد و قلت استفيد منها
وما نروح لها الا في الويك اند او في الاجازات الرسمية
خبروني رايكم أو اي اقتراحات او خدمات ممكن اضيفها للفلة !!!!!
مثلا يى في بالي ،،، اتعامل مع محلات ورد ممكن وحدة تبغي تهدي زوجها باقة او العكس
او مع مطاعم معينة
او نرتب المكان بطريقة حلوة نحط ورود ع السرير او في السومينق مول او نسوي عشاء رومنسي
بس طبعا بيطلع بسعر
شو رايكم بنات
ابغي افكار
اقتراحات
عسب ارتب المكان
شو في خاطركم
حياكم بنوتات
ررررررررفع
حبوبة ٢٠٠٠ درهم في الايام العادية احس محد بيتقبل يأخذها ب ٢٠٠٠ بيقول لج بأخذها ب ٨٠٠ درهم او ١٠٠٠ فيلا روتانا او اي فندق ثاني بحدود ١٥٠٠ درهم فاحس ان السعر شوي غالي بالنسبة لأصحاب الدخل المحدود
لو تاجرينها على عائلات شهرية راح يطلع لج مبلغ حلو بس ما راح تضمنين ان الفيلة راح تكون نظيفة و خاصة الأثاث
هيه والله احسه وايد
يعني لو اجرتها ليومين فالعيد ادفع 7000
وااااايد غالي
تسلمون بنوتات اتريى الباجيات
حاليا من كلامكم افكر
اليوم العادي
اليومين في الويك اند 5000
اليومين في الاعياد 6000
الفيلا كبيرة مب صغيرة فيها مسبح و حديقة و طابقين و مجابلة البحر
اظني الفنادق بيكون سعرها اغلى عن جي غير ان ما فيها خصوصية
اتوقع في الاعياد الاسعار تكون دبل في الفنادق
متابعة تعليقاتكم ابغي اجوف الاراء
وما نزلت الموضوع الا عسب اجوف رايكم بنات