صباحكم ورد وياسمين ومسك وعنبريابنات الامارات
بنات ابي منكم تعلموني اللغه الانجليزيه انا ماكملت تعليمي وماعرف الا شوي من الحروف الانجليزيه
فايليت تعلموني الانجليزي بالعربي كيف ؟ اشرح لكم بالتفصيل
ابي منكم تعلموني على النحو التالي طبعاً ياليت تكون جمل وكلمات
مثلاً
كمان __ تعال وجمل مثل هاواريو اعتقد انها كيف الحال واكس كيوزمي من فضلك بالصيغه هذي
وياس ___نعم
ونووو ___ لا
ابيكم تكتبون الكلمات الانجليزيه بالعربي بالطريقه هذي لاني ماعرف كيف انطق مخارج الحروف لو اشوف كلمه Taim انطقه تا يم او تائايم ويمكن غلط كلهم عشان كذا طلبت بالعربي
وملاحظه فيه بعض الحروف مثل V تكتب بالعربي بالفاء اللي عليه ثلاث نقط حتى يكون الحرف مثقل
P بعد تكتب بالعربي بالباء اللي تحته ثلاث نقط ياليت (حتى استطيع انطق الكلمه عدل)من تكتب بالحرفين اللي ذكرت تكتب بالصيغه اللي ذكرت لكن بالعربي حتى استطيع نطق الحروف سليمه
لان شغلتي تبي تجي وابي اتعلم انقلش حتى اتعامل معها منها انتعلم ثنتينا وياخذون الاولاد على اللغه
ياليت اللي بتساعدني تكتب مثلاً عبارات موجهه لشغاله مثل خوذي الملابس وغسليهم و اتركيه جبيه وروحي نامي
الله لايحرمنا منكم قادر ياكريم
نسيت لاقولكم لو توصل الكلمات لالف ماعندي مانع كلهم ابي اتعلمهم باذن واحد احد
يالله الهمااااااام مشتاقه اشوف ردودكم
اختي .. سيري اي مكتبه وخذي لج كتاب تعلم اللغه الانجليزيه …
وحاطين لج الترجمه بالعربي + الانجليزي
وان شالله تستفيدين
غناتي خذي المعجم الناطق
بيعلمج كيفية نطق الكلمه ومعناها
الله يوفقج
سيرى معهد ولا كتاب انجليزي معاه CD يعلمج عدل
اصلا بيكون غلط لو علمناج الانجليزي ونكتب الكلمات بالعربي !
والله تقدرين تتعلمين صح وبدون هالطريقه الغلط ..
ليش ما يكون هدفج اكبر يعني تتعلمين الانجليزيه بطلاقه تحدث و كتابه ؟
صدقيني تقدرين واللغة هاذي حلوة وما يبالها
احسن طريقه انصحج فيها كبدايه .. شوفي الافلام الي فيها ترجمه عربي ..
تسمعين وتقرين الترجمه وايد بيفيدج ..
الله يوفقج
بنتعب و نحن نكتب ^.^ ، اقولج احسن طريقه دخلي معهد و درسي انجليزي ، من الحروف ، و بيبدون معاج بالسهل ، و بعدين الطريقه اللي قلتيها ما تفيد بتنسين بسرعه ، لازم تتحدثين انجلش وايد عشان ما تنسين و عشان اتثبتين المعلومات ، بالتوفيق حبوبه .