ازاله ورق الجدران بسهوله بلا عمال ولا خساره فلوس

حبيت افيدكم انا وحده احب اشتغل بايدي يعني اذا بغيت الشي سويته حاليا انا حامل ويتني تصنيفه اغير صبغه الحجره والصاله وخليت ريلي ايب عمال عشان يجلعولي ورق الجدران تفلسفو ع راسي لين وصلوها 2500 يباله شغل وثلاث عمال وثلاث ايام ومن هالرمسه عاده انا منو يقولي هالرمسه ماصرفني واروغهم وقلتله ما عليه انا ادبرها انا بدفع حق الجلع ولا بدفع حق ديكور وانا مب يايه اعدل فبيت اجار ابا ميزانيه معقوله وبالعقل وادش النت واكتب ازاله ورق الجدران واترياه يظهر من البيت وابدا اشتغل المواد بسيطه بخاخ وملطف ملابس " كومفورت" وماي وحديده تشلين فيها الورق ولا بايدج كله يمشي اول شي سويته جلعت الورق بايدي وتمت الباقايا البيضه يعني الطبقه الثانيه من ورق الجدران ومن خلصت من جلع الطبقه الاولى تمت البيضا لي فيها صمغ موجوده لا تقشرونها حطي في بخاخ كبير ماي وملطف ورشي ومن يتبلل ع طول جلعي وينسحب معاج سبحان الله ولا جنه كان موجود عاده انا بكرشتي رمت ع الجزء لي تحت واللي فوق من دش الريل انجلط لين اقتنع وهديته وقلتله ولدك بخير لا تحاتي ونش اركب واجلع الباقي ههه وخلصت لا 2500 ولا شياته لحد يقص عليكم روحكم سووها والشغله حلوه يوم تغيرين روحج كم بتوبلون يوم بتدفعون ع كل عامل وكل شغله كل شي غلا خصه اذا حاطه ميزانيه معينه ..