ارض بالرحبة

بنات طلع لنا ارض بالرحبة شورايكم ما تحسونها وايد بعيدة مادري شاسوي احسني ما اقدر على العيشة بعيد عن الداخل شو رو علية

هلا الغاليه الحين تشوفين هاي المناطق بعيده بس عقب كم سنه بتحصلين الناس كلهم اللي كانواا داخل ياييين صوبكم والمناطق اللي داخل بتفظى هذا حال الدنيا يعني احسلج خلااااااااص مافي اراظي بتحصلينها داخل واذا حصلتي بتكون كبر الصندووق لاكن الاماكن البعيده تكون الاراضي فيها مساحه كبييييييييره فلا تحاتين بالعكس احسن لج ولعيالج ولاتشوفين الموظوع الحين شوفيه عقب كم سنه ومبروووووووووووووك عليج الارظ

انا اقول اتبيعين الارض و تخذيلج بيت في بوظبي يعني العيال مردهم بيكبرون و كل و احد بيعرس
لان الصراحة هاي المناطق ما حس فيها معاهد و مدارس اوكي و حتى ماشي مكان تطلعين فيه

انا عن نفسي خاطري اسكن في العين مع اني مش متزجه بس يالسه اقول حق ابوية خلينا نتقل العين ايقول لوو شويعطوني مش ساير اهناك اخلي العاصمة و اسير بعيد ليس ؟؟؟؟؟؟؟؟؟؟؟؟؟ظ يله هاي الدنياشووو نسويه الحمد الله على كل حال

حبيبتي ها اول كلشي بعيد بس ابونا زايد الله يرحمه قرب كل شي بالشوارع اليديده والواسعه والمحطات البترول ومراكز التسوق ع طول اي خط وبعدين بين بوظبي والرحبه تقريبا ساعه الا ربع وها الوقت انقضيه في البيت احينا رمسه في تيلفون بدون مانحس انه وقت اصلا وبينها وبين دبي نفس الوقت بعد شو تبين يعني مكان استراتيجي بالعكس انتي تحمدي ربج وتستلمي الارض وتدعي حق ابونا زايد بالرحمه والمغفره والله يدوم ال نهيان تيجان فوق روسنا امين لانها نعمه وغيرج مب لقنها

عفاري الوحداوية شويشوي عليه الي بيسمعج بيقول رافسه النعمه حبيبتي انا قصدي بعد المسافة تراني متعودة عند اهلي في العين كلنا حذال بعض بيت اخويه وعمي وخالي لكن عند اهل ريلي احسني بيتعمه صوب وخاله صوب واهله صوب حتى احنا بصوب ولو بغيت مدارس او اتوظف او اسير السوق لازم اتولم حج الروحه هاذي وتدرين هاي سكنة عمروانا اقصد انه ممكن ابيع او شي ثاني فهمتي عليه
على فكرة اسمج نفس اسم امايه

مبروووووووووووووك عليج الارض