اذا الزوج عيونه زايغة وزوجته عنده . شو تسوي الزوجة ؟

السلام عليكم ورحمة الله وبركاته ..

خواتي البنوتات والأمهات اشحالكم يارب بخير وطاعة الرحمن وسعادة .. دوم آمين .

حبيت اتناقش وياكم .. وهذا أول موضوع لي في القسم .. واعوذ بالله من أن اكون سبب في مشكلة او نميمة او اي شي سوء يصير من ورا هالموضوع

الغاليات حطيت هالموضوع بعدما قريت موضوع لوحدة من العضوات وعجبني موضوعها كان بما معناه :

عن الحرمة اللي لو مشت ويا ريلها .. وشافت وحدة تطالع زوجها .. شو بتسوي ؟

الحين سؤال هو أو موضوعي عن : بالعكس ..

اذا كانت الزوجة مثلا مع زوجها في مكان ما .. .. وشافت عيونه زايغة يطالع اي بنية او بنت معية .. اي نوع من النظرات كانت .. سواء نظرة فضول . او نظرة مطنزة .. او نظرة استحقار .. او نظرة اعجاب .. والعياذ بالله .

شو راح تسوي الزوجة .. وشو الموقف الصح اللي يرضي الله ؟ وشو تعليقاتكم الخيرة ؟.
يالله عشان الكل يستفيد ..

يعني هل راح تواجهينه ؟ هل تطنشين ؟ هل تكونين في حالج وانتي في حاله ؟ الله بيحاسب كل كل منا ؟ يعني شو بتتصرفين ؟

خلينا نشوف نحن حريم فيها عقل والا فيها مخ مب كأنه العقل والمخ نفس الشي خخخ ماشاء الله عليكم مندمجين في السالفة

الغاليات قبل كل شي :

اتذكروا شيئين قبل لا تكتبون خواتي :

1) ان الله سبحانه حرم النظر للنساء وللرجال .. وأمرنا بغض البصر .. يعني محد يقول : نظرة الاستحقار مثلا مافيها شي .. او نظرة الاعجاب هي اللي فيها شي .. لا خواتي . الله حرم النظر بشكل عام .. بدون ما يقسمه .. فما في داعي حد منا يفتي بغير علم ارجوكم .

2) اللي تبا تكتب الخير تكتبه … واللي تبا تكتب شر او نصيحة خراب بيوت خخخ انا بريئة من الرد اللي ينكتب وعواقبه وخيمة ليش موضوع جريمة انا كاتبة خخ

المهم الغالية يالله نتريا ردودكم ..

والسموحة