اختار دراستي و لا تربية عيالي،،بشو تنصحوني؟

كيف حالكم؟؟ عساكم بخير و صحة وسلامة

بصرااااااااحة ترددت وااايد قبل لا أعرض مشكلتي بس حاسة بضغط نفسي فظييييع و حابه

آخذ بشوركم..لان أنا شوي مشوشة و مضغوطة فأحس نفسي ما قادرة اتأخذ

القرار المناسب…

طبعا أنا متزوجة من سنتين وأنا بعدي صغيرة عمري 20 عندي ولد عمره سنة و 4 شهور

و الحين حامل بالشهر الرابع…درست بالكلية سنة و كنت حامل بأول مولود و ضغطت على

نفسي و عدت السنة الاولى بنجاح و سنة ثانية وقفت دراسة لان ولدي كان صغير عمره

شهرين تقريبا فقلبي ما طاوعني أهده و أروح… الحين هالسنة رجعت مره ثانية للكلية بس

حاسة بضغط نفسي فظييييييع لدرجة أني ما قادرة اركز في دراستي….تخصصي صعب

ويبالي 4 سنوات الين ما اتخرج و غير هذا أقوم يوميا من الساعة 5 و نص الفير…اطلع

من البيت الساعة 6 الصبح وارجع 6 المغرب لان الكلية تبعد ساعة و شوي عن بيتنا و

فوووق هذا استخدم الباص لان ما أقدر اوفر سيارة خاصة اتخيلوااا و أنا حااااامل

حاليا…من ناحية الدراسة أنا مرتاحة و بالنسبة لي للحييين كل شي اوكي بس المشكلة

تخصصي مليااان مليااان يعني البنات اللي ما معرسات ما ملحقن عالاشغال كيف نحن

المتزوجات…و بالنسبة لزوجي يحليله يقولي كيفج ما بجبرج هذا مستقبلج و أنتي حره

حابة تكملين ولا تقعدين في البيت أنا ما عندي مانع و من ناحية المصاريف و… ما مقصر

فديته بس أعرف شو بخاطره يباني اقعد وياه في البيت و هو من النوع البيتوتي و ما عنده

ربع وااايد يعني أنا و لده كل حياته و وااايد متعلق فينا و غير هذا دوامه شفتات يعني يدوام

8 أيام بسس بالشهر و كله في البيت و بصراااحة يعورني قلبي يوم اشوفه يسهر بروووحه

يحليله يوفرلي كل شي عشان ارتاح لدرجة أنه يسهر ع ولدي و انا راقدة

عشان أقوم مبجر و موعد ولادتي شهر 4 و من قوانين الكلية إذا غبت أكثر عن أسبوع

احتمال كبير انطرد هذا طبعا بعد الولادة ينحسب غياب و ما يحتاي أخبركم عن المعاناة من

بعد الولادة من سهر و رضاعة و ألم و غيره…و في الفترة الأخيرة أحس أني مقصرة في

حق ولدي و ريلي…طبعا ريلي حاليا عنده إجازة لمدة شهرين ف أخلي ولدي في البيت مع

الخدامة تحت إشرافه و عقب بضطراخليه بروحه مع الخدامه في البيت لان أمي حرمة

كبيرة في السن و دووووم مريضة و عمتي تشتغل يعني ما عندي حد اخلي ولديه