شحالكم بنات ..؟
ابا آخذ رايكم في هالمشكلة
بنات اعرف وحده متزوجه من سنتين
قبل الزواج ريلها كان يعرف بنات
البنت متدينه ووااايد محترمة وزينه الله يحفظها بس ريلها الله يهديه بعده يلعب بذيله
للأسف انه يعرف وحده ويزني وياها, وانا متأكدة من هالشي وعندي دليل
ويوم حملت حرمته كان خارج الرحم بسبب الالتهابات . واحتمال الالتهابات تكون من ريلها
طرشت حد يكلمه وينصحه بس ماشي فايده
اخاف اسكت واكون ظالمه , واخاف اخبر البنت واكون ظالمه واخرب بيتها
مب عارفه شو اسوي ..
انصحوني
استغفر الله
هلا اختي
ليش تسببين لعمرج مشاكل!!!
هالايام محد يرضى بالنصيحه ,,حتى حرمته يمكن ماتصدقج ,,ويمكن الريال يسويلج مشاكل
ولو حتى قلتي وصدقوج,,,تتوقعين عقب مابيرجع يكررها مع وحده ثانيه!!!
اذا الحرمه مثلا كانت علاقتج فيها قوووويه مثلا تكون اختج لازم تقولينلها,,لكنها لو وحده غريبه عنج يمكن يسببونلج مشاكل انتي في غنى عنها
تقدرين تهددين الريال انج بتخبرين حرمته ,,يمكن يخاف,,بس هو دام ماخاف من ربه كييف بيخاف منج!!
الصراحه السالفه اتحيّر ,,,الساكت عن الحق شيطان أخرس,,بس بعد حكمي عقلج وفكري عدل قبل ماتخبرين اي حد
اممم موقفج ما تنحسدين عليه الصراحه
ما اعرف شو اقولج
الله يهديه وانا افضل انج اتخبيرين حد من اهلها اقصد الرياييل عشان يكلمونه ووقفونه عند حده لان بصراحة المواضيع هذي اتخوف فيها امراض ومصايب
خبريها شو بعد ؟؟؟ محتارة في شو ابا اعرف ؟؟
يعني الحين هي ماتعرف عن سوايا ريلها؟؟ بالعقل ييني ؟؟؟دامه يخربط من زمان
ولو تخبريها احسن خل تلاحق عمرها عن الحرام والالتهابات والامراض الله لا يبلانا … وتقولين متدينه وطيبه فأكيد مابتخرب بيتها وبتحاول تشوف حل عشان ماينهدم بيتها…
من رأى منكم منكرا فليغيره …. فان لم يستطع فبلسانه وذلك اظعف الايمان
حسبي الله ونعم الوكيييل
لا حول ولا قوة الا بالله