احلي السمبوسه

السلام عليكم ورحمه الله وبركاته
كيفكم حبايبي؟؟؟
هذي سمبوستي
بسم الله نبــــــــــدأ
بس انتبهوا لعيونكم لاتطلع وبعدها تاكلون الشاشه>>ههههه
المقادير:
4 كاسات دقيق ابيض
ذره ملـح
بياله زيت
كاس وربع ماء
بيضه واحده
الطريقه:
انخلي الدقيق والملح في وعاء واضيفي اليها الزيت وافركي بالاصابع
حتى تتجانس اعملي حفره في الوسط وصبي فيها البيض والماء
ثم اعجني العجينه وتكون متوسطه الليونه وغطيها بقطعه قماش مبلله
ومعصوره واتركيها لمده 3 ساعات او 4 فما فوق
*ملاحظه:انا رفعت نص كميه العجين في نايلون وحطيتها في الثلاجه
واستخدمتها من بكره الظهر بس قبل ما أستخدما خليتها تسخن و ماتغير طعمها ابدااااا
الحشوه:
دجاج مفروم اللي يجي مجمد *شهيه*
بصله متوسطه الحجم ـ 3 فصوص ثوم (مقطع مكعبات)
ملح ـ فلفل ـ قرفه ـ حسب الرغبه
بقدونس مقطع على حسب الرغبه
1 جزر مبشور
طريقه الحشوه:
يحمس البصل والثوم شوي وبعدها على طول حطي الدجاج
وقلبيه على النار حتى تتفكك الدجاجه
يقلب حتى يجف ماء الدجاج ثم يوضع الملح والفلفل والقرفه والجزر بعدها اتركيها تبرد وبعدين حطي البقدونس المقطع
بعد ماتنخمر اول شي ترشين السطح اللي بتفردين عليه العجينه بشوي دقيق ثم تفرد العجينه حتى تصبح رقيقه وتقطع بالطول وخليها عريضه تطلع عن اطراف الاله حقت السمبوسه وتكون مستطيله اطول من الاله عشان تتسكر من الاطراف حتى نفاذ الكميه ثم تقلى في زيت غزيروتقدم بعد ماتبرد
صحتين على قلوبكم.

يعطيج العافيه

وتسلمين ع الوصفه

ما قصرتي حبيبتي
تسلمين
يبين عليها لذيذة
بنجربها إن شاء الله