السلام عليكم
شحالكم شخباركم
بغيت مساعدتكم
انا ماحب البودرة ابدا ابدا ابدااااااااااا
وجربت كم من نوع ما عيبوني ابدا مادري كيف تطلع كل العيوب اللي ف ويهي مع انه جربت بدون او مع كريم اساس
والكل يقول عشان المكياج يكون حلو لازم بودرة
ف بغيت تنصحوني ف بودرة للبشرة الدهنية تخش العيوب و تخلي البشرة صافية و مخملية وحلوة و تكون سهله في الاستخدام لان انا ماعرف احط بودرة لا بالفرشة ولا بالاسفنج كله يتكتل في مكان واحد
واتم ع الويه لساعات طويلة
انا ابا استخدمها استخدام يومي للدوام فمابا شي يتعب بشرتي
واللي تساعدني بدعي لها
حبيبتي انا انصحج بكنيبو رووووووووووووووووووووووووعه صدق مخمليه من الخــــــــــــاطر
وانا يمكن للمره ال 10 اخذها وانا قبلها موووووووووول ما مترقعه في بودره عدله يا غبره يا بعد
فتره تسمرني يا 100 عله وعله الا هاي من خذيتها وكل محد يجوفها يمدحها علي ويقول صدق رهييبه
فانصحج فيها وبقوه وهيه تنباع في العربي سنتر وهـــــــــاي تصلح للاعراس
اما البودره اليوميه من ( ميـك اب فور ايـفـر ) البرونزيه الي تيج غطاتها من فــوق بنيه روووووووووعه
مخمليه وحلوه وخفيفه وبعد من خذيتها ولله الحمد متوفقه فيها وهيه يديه وانا مرتين خذيتهــا لين الحين حابتنها
وحاب لونـها تخلي ويهي مخملي في نفس الوقت لوني طبيعي بس مصفيه بشرتي فانصحج فيها عشان تكون يوميه لج
مشكورة ويزاج الله خير
بس بودرة كنيبو كم سعرها تقريبا؟ و عادي تنحط بالفرشاة؟
للرفع
بالتوفيق..
ماكس فاكتور رروعة
ماكس فاكتوور الذهبيه حلوووه