السلام عليكم
الصلاه على النبي اول شي
مشكليته يمكن بسيطه عند البعض بس والله احس بإحباط وضيق من هالشي
شوفن انا على كورس تخرج من الدبلوم والكليه طارحة اني اقدر اخذ الباجلر … انا هنيه فرحت لاني صددددددددق احب دراستيه وكل اهتمامتي في دراستيه ومستقبليه التعليمي .
انا من سمعت بالخبر طرررررررحت من الفرحه رحت عند المسؤوله وسألتها عن الشروط قالتلي هاتي الأيلس 5 وبدخلين كان هذا شهر 9 في رمضان
وبما ان كانت خبريته في الأيلس بسيطه دخلت دوره ودرست والحمد الله اجتهد فيها من كل قلبي
لكن حسبي الله ونعم الوكيل في المعهد اللي دخلته .. تخيلوو اكتشفت ان الأستاذ عاطيني قواعد غلط عنه واشياء ما يخصهاااااااا انا انصدمت يوم امتحنت يا بنات والله ان في نص الأمتحان من كثر ما حزنت اصصصصصصصييييييييح وادعي عليه والله صدق انقهرت .. قلت بتوكل على الله وماخاب من توكل عليه لكن طلعت النتيجه اني ما يبت السكور اللي يبته صحت وايد من قلبي وانقهرت لكن صليت ركعتين وحمد الله قلت فيها خيره …
عقب درسته بروحي وتعلمته وخذت بركتسات واجتهد فيه رحت الأمتحان الثاني كان شهر 1 لكن يبت 4.5… قلت الحمد الله ع كل حااااااااااال حاولت اهدي نفسي بصلاه وذكر الله والحمد الله هديييت وتوكلت ع الله
لكن صدمتيه يابنات لما قالو ان ربيعاتي بدن ياخذن كورس الماث عشان امتحان" التحدي" هنييي انصدمت حسيت اني محبطه اذكر اني كنت واقفه يوم تكلمني من الصدمه ياني هبوط ويلست ع الأرض..
ما بينت لحد سيييييييييييييده ذكرت ربي مابا انحبط اكثر
رحت الكليه وقلتلهم مافي مجااااااااال اني ادخل عندهم او اخذ الأمتحان التحدي بدون ما اخذ كورس قالو لا .. قلت ما بيضيع املي دامني متبسكه برب العالمييييييييييين … قالولي في مجال ان الصيف ان شاء الله بيطرحون كلاس بس شهر ادرس 10 كتب وان نجحت دشيت عندهم وان رسبت اترياا سنه كامله……..
بس الحين عندي فرصه هالشهر في امتحان الأيلس .. وانا خاااااااااااااااااااااايفه اني ما ييب السكور المطلوب بتضيع فرصتيه 
دعواتكم حبيت افضفض
صراحه الكليه اسخف عن قوانينها مااااااااااشي كله معقدينه
بغيت اسألج انتي اي كليه لأنه غريبه احيد الباجلر لازم تيبين 6 مب 5 ؟؟؟؟؟؟؟؟؟؟
ولاتيأسين لنه نحن وايد عدنا الايلس عشان الدرجه المطلوبه
لا حول ولا قوة إلا بالله ^_^
اختي الغالية 
,, ماشاء الله عليج تخافين ربج وتحسنين عبادتــه ^_^ ,, كيف بييج الاحباط وانتي كله تذكرين رب العـــالمين ..
هذ الشيطان يوسوس لج ,, وانتي أكيد أقوى عنه بايمانج
رب العالمين يختبرج ,, ويحبج ^^ ويبغى يعطيج حسنات ,, عشان جي هذي الاشياء الي انتي تشوفينها احباطات ,, بالعكس هذي حسنات باذن الله محفوظة حقج ياحظــــج
ورب العالمين يمهل ولا يهمل ,, كوني على يقين انه بيعوضج بخيـــــــــــــــــر من الي انتي تتمنيه ,, وبتنجحين باذن الله فما خاب من توكل على الله
ولا تنسين تكثرين من قيام الليل والاستغفار بنية صافية تقربا من وجهه جل علاه ^_*
ومابنساج من دعائي اختي الغالية
شدي حيلج ,, وربي يوفقج ويسر جميع أمورج ^_*
ربي يوفقج انشالله .. لا اتخاافين واتوكلي ع الله ,.
الله يوفقج ان شاء الله
ربي بيوفقج ان شآء الله ,, ويآرب اتييبين السكور المطلوب واعلى بعد ^^
انتي شدي حيلج قد ما تقدرين ولا تنسين ذكر ربج ومآعلييج ^^
لا حول و لا قوة إلا بالله
ماعليه حبيبتي قولي الحمدلله رب العالمين و لا تنسين ربنا الرحمن الرحيم يقول في كتابه العزيز
(( عسى أن تكرهوا شيئا و هو خير لكم ))
الحمدلله رب العالمين .. قدر الله ماشاء الله فعل، خلي علاقتج بالله أقوى و أقوى و ماعليج من كلام حد
و لا من اللي يصير … بس كوني واثقه 100% ان ربج وياج و صدقيني رب العالمين عند حسن ظن عبده به حبيبتي
لا تفكرين و لا اتعبين عمرج قولي ان شاء الله بييب السكور بييبه و ان شاء الله انج بتيبينه يااارب
بس لا تخلين شي يهزج و لا تعورين قلبج ، خلج واثقه من نفسج
و مهما صار حبيبتي تذكري يمكن ربج كتبلج هالشي لسبب خير نحن مانعرف شو هو …
الخيــرة فيما اختاره الله فديتج،
ان شاء الله يارب الله يوفقج و تنجحين و اتيبين السكور المطلوووب و تاخذيم الباجلر يااارب
بس خلج واثقه حبيبتي بربج ان بيمشي أمورج مثل ما تبين و تتمنين =)
و لا تنسيييين الاستغفار و قيام الليل هذي الاثنينه كنز كنـــــــــــــــــــــــز
بيريح قلبج و بيساعدج و ان شاء الله بتمشي أمورج للأفضل و الأفضل.
موفجه حبيبتي =)