الغاليات ما أعرف من وين أبدأ أنا عندي خادمتين المهم وحدة من يوم ما جت تعبتني وايد المهم الحين تحسنت بس أحس نفسي ما أعاملها زين ما أعرف ليش الحمد لله ما أضربها وما أهاوشها الا اذا سوت خطأ أو علت صوتها وأكلمها بدون وجود حد من العيال أو الخدامة الثانية
يعني ممكن اذا طلبت طلب ما أرد عليها أو أطنشها المهم اني أسويلها بس ما أدانيها ما أعرف ليش وهي ما تبا تسافر وما أريد أقطع رزقها واللي حاوالي ماحد يريدها ودايما أحس بالذنب بس ما أعرف شو سبب هالشعور تعبت وايد ودايما أستغفر ربي وأقول حرام هي تاركه عيالها وبيتها وجاي تترزق بس شو أسوي ما أرتاح لها شو السبب ما أعرف مع انها تصلي وتصوم اثنين وخميس ومحترمة ما أعرف شو أسوي أحس اني باخذ ذنوب من وراها والله انها تييني صيحة وأريد أبكي
أستغفرالله العظيم
اللي صار معاها هالموقف تقولي شو أسوي
حبوبه تعوذي من بليس و ظغطي على نفسج شوي ما عليه حتى لو كنت ما تتقبلينها… حاولي تعاملينها عدل و كسب أجر فيها و دعي الله إيسرلج الموضوع… ما أعرف إذا أفتج و له لا و الله يعينج
اذا محترمه مثل ماتقولين و معاملتها لكم ولليهال زينه وتشتغل عدل… حاولي تعاملينها زين وتكسبينها ترا الزينات صعب يتحصلن
والمعامله الحسنه زينه والله بيآجرج عليها
شكرا الغاليات
والله اني هذا اللي أحاول أسويه بس ما أدري شو هالاحساس اللي يجيني
ودوم استغفر ربي وأحاسب نفسي
ارحموا من في الارض يرحمكم من في السماء
اختي الغالية ,, استهدي بالله ,, ودامج ملاحظة هذا الغلط وتبغين تغيرينه ,, هذي أول خطوة ايجابية للتغيير
انتي شكلج يوم ماكانت زية في بدايتها ,, عقلج اللا وعي خزن عنده هذي الصورة ,, وحتى يوم استوت زينة ,, تم عقلج اللا وعي يعطيج نفس الصورة الجديمة عنها ,, عشان جي ردة فعلج تكون مب لين اهناك 
!
فـانصحج اختي تنطلقين من نقطة معاملة الناس شرات ماتبغينهم يعاملونج ,, وخطوة خطوة توددي اليها ,, وان شاء لله خير
ومهمتا كانت اتم هذي انسانة تيي البلد تكرف كراف وتترك أهلها على كم من بيزة الله يعينهم بس
وربي يوفقج ويسخرلج عيالج
مشكورة حبيبتي والله اني أحاول