السلام عليكم
اختكم في الله عشمها فيكم كبير ، انا احدى ضحايا التمليس شعري راح فيها هو اصلا قصير ولا يطول بعد التمليس ذاد الطين بلة ولي سنة في علاجه دون جدوى من منكم تعرضت لتلك التجربة وفادها شئ تخبرني جزاء الله كل خير ،
أخواتي : ممكن تدلوني وين ممكن اجد السدر اليمني الاصلي في الامارات انا الحين في ابوظبي ، لما اروح السوق احصل بس الايراني وكمان ابغى اعرف وينهم العطارين وسوقهم الاول كنت اشوف بعض الايرانين في السوق القديم قبل تكسيره بس ما ادري وين راحو، ممكن الاخوات من كافة الامارات يساعدوني وين القى السدر اليمني الاصلي .
وشاكرة لكم تعاونكم مسبقا
مرحبا اختي وهج بصراحة ما اعرف إن شاء الله البنات بيساعدونج،، بس مركز مدينة زايد ما فيها عطارين؟؟؟ وماجربتي تروحين تشوفين؟؟؟
حبيبتي اسمحيلي بخصوص الشعر ما اقدر افيدج وبالنسبه للعطارين في كم واحد امممممممممممم كيف اوصفلج
شفتي الي عند السوق الدله والمبخره والمرش وغيرها المجسمات الكبيره الي في نص الشارع وانتي يايه من صوب شارع المطار بيكون على ايدج اليسار خنجي يبيع قطع بالضبط خلف البنايات هناك كم واحد يعني عند سوق السمك
وانشاء الله اكون افدتج
مرحبا قلبي معك فيه عندكم مركز التجميل للدكتور مبارك الشقر
عنده كل شي وهذي وصفه من عنده
بياض بيضه+2ملعقه زيت زيتون+2ملعقه زيت جوز الهند+1ملعقه خل التفاح
ممتازه لشعر المحروق عن تجربه
الله يرجعلك شعرك مثل اول واحلي انا مثلك التمليس قضي علي شعري بجرب وصفة الغالية النورة ان شاء الله بتجيب نتيجة حلوة
الله يعينج يا ختيه
عليج بحمامات الزيت
مرحبا
الغاليه
انا شعري تم سنين ما يطول
بس الحين الحمدلله
عليج بهذي الاختيارات و الي تختارينه داومي عليه مرتين بالإسبوع و لمدة ساعتين و عقب اغسلي شعرج
و الاختيارات هي
زيت دابر املا
زيت زيتون منقوع فيه ثوم و تخلينه شهر بالشمس عشان مفعول الثوم يروح ف الزيت
زيت جوز الهند
و كله مجرب
أم خالد