السلام عليكم
شخباركم خواتي؟
الله يسلمكم انا في الاسبوع 21 يعني فالشهر الخامس
كان عندي موعد ألتراساوند قبل يومين
الحمدلله كل شي تمام بس دكتورة الألتراساوند قالت:
الماي زايد شوي حول الجنين
جيكت عالراس والعمود الفقري تقول كل شي تمام
يعني ما في تشوهات لا سمح الله
وقالت لي اتأكد من السكري > موعدي قبل رمضان بيوم
قالت نزلي عند الدكتوره وشوفيها شو تقول
يوم نزلت عند الدكتورة قالت انتي الماي عندج 19.8
يعني طبيعي لان الخطر من 25 وفوق
لا تحاتين واستمتعي بحملج ههه > بس بعدني خايفه
ليش دكتورة السونار قالت نسبة الماي مرتفعة وكتبت فالتقرير!
ودكتورة النساء تقول عاااااادي انتي فالسليم!
حد عنده فكره؟ النسبة طبيعية والا!
ملاحظة: ناوية اطلع من الدوام اقيس السكر عالسريع
اذا مرتفع بسير لهم باجر وانا صايمه، شو رايكم؟
اختي اذا حبيتي تتأكدين اكثر روحي مكان ثاني عسب اطمنج على ماي الجنين ومن ناحية السكر عادي بأي وقت والصبح افضل لانج بتكوني صايمة وان شاء الله تولدين بالسلامة
المشاركة الأصلية كتبت بواسطة توته34 
شكلي باجر بسير الحكومي
المشكله اني كلت اليوم، الله يصبرني لين باجر 
آمييييين حبيبتي ♥
دوم يصير جذي دكتوره السونار تقول شئ ودكتوره النساء شئ ثاني انا عن نفسيه اصدق الدكتوره الآن عندها خبره أكثر عن اللي تسوي سونار
نصيحه اذا بتسوين تحليل السكر لا تآكلي من الساعه 9 المسى والصبح سويه
مافيج إلا العافية وربي يتمم حملنا ع خير ويسهل ع كل حامل اللهم أمين
طبعا كلام الدكتوره هو الصح لانه مال السونار شغلها فني اكثر بس اتاكدي وسوي تحاليلج والله يسهل عليج ان شاء الله
المشاركة الأصلية كتبت بواسطة ريانه المزاين نصيحه اذا بتسوين تحليل السكر لا تآكلي من الساعه 9 المسى والصبح سويه
مافيج إلا العافية وربي يتمم حملنا ع خير ويسهل ع كل حامل اللهم أمين
هيه انا ارتحت لكلام الدكتورة
بس تعرفين مرات الوسواس يلعب دور ههه
آمييين ياا رب العالميييين
الله يثبتلج حملج وتشوفين البيبي سليم معافي بدون زياده او نقصان