ربي لا تذرني فردا وانت خير الوارثين
حبيباتي:انا صار لي متزوجه من 3 سنوات الحمدلله المشكله كانت فيني في البداية انه عندي كيس دم على المبيض وسويت العملية فتح بطن وارتحت وبعدين قالولي اذا ابغي احمل لازم طفل الانابيب ويوم سرت مستشفى توام بالعين سوولنا انا وريلي الفحوصات قالو عندي لحميه في الرحم وسوولي كشط والمشكلة الاكبر ان ريلي عنده السكر وضعف في الحيوانات المنوية وواااايد منهم ميتين
الحين ببدا في قصة حملي الحمد لله سويت عملية طفل الانابيب ونجحت المحاولة من اول مرة وبدا الوحام والتعب وغيره وكل مره اخذ التصوير للبيبي واحتفظ فيه واشوف مراحل تطوره الين وصلت بداية الخامس حسيت بالم ومغص وافرازات تنزل على طول سرت عياده خاصه يوم شافت الدكتوره التصوير+الكشف عطتني التقرير وقالت الحينه اتروحين اقرب مستشفى ويوم سرت وشافو التقرير قالو احتمال كبير تجهضين لان خلاص ماي البيبي ينزل ومن النادر ايتم البيبي بعد 4 ايام من المخاض ربيت بس شفت المووووووووووووووووت بعيوني لان كله بمجهودي اتعرفون شو يبت {بنوته}الله يرحمها نتيجة الاجهاض :توسع في عنق الرحم ومن بعده عدت المحاولة مرتين بس ما نجحت
لا تنسوني بالدعاء…………………………..اختكم
اسمحولي ع الاطالة
الله يكون فعونج ..
وانشاء الله, الله بيرزقج بذريه الصالحه بس انتي ادعي ربج و تقربي منه
الله يرزقج وتحملين ان شاءالله
الله يرحمها ويعوضج بغيرها
ان شاء الله تحملين قريب
الله يعو عليج حبيبتي ويرزقج الذريه الصالحه انشاء الله ولا تنسين انها طير من طيور الجنه شفيعه لج ولأبوها انشء الله يوم القيامه …
الله ياااااااااااااااااارب يعوظج خير على صبرج، توكلي على الله واقري باستمرار سورة البقرة، وإن شاء الله ربج ب
الله يعوضج خير حبيبتي وخلي املج بالله كبير … ان شاء الله تحملين جريب وتشوفين النونو مالج