اتمنى كل وحده ادش وتنصحني تعبت من التفكير

انا ساحبة اوراقي من جامعة الإمارات 2024 لظروف ، وكنت من دفعة 2024 وطلعت بإنذار اول .وقبل سنة اتصلت للقبول والتسجيل فالجامعه وكلمتهم عشان اقدر ارجع قالولي مانقدر نرد قيدج لأنج وقفتي فوق ال 6 كورسات المهم قالت لازم اسجل بثانوية يديده كمستجده عشان يقبلوني ، سجلت منازل وبديت اعيد الثانوية والحمدلله حتى الان درجاتية عالية ونسبتيه طيبة واستغليت الوقت ويبت ايلس 5.5 ويبت فسيبا الانجلش 177 ، قبل شهور سمعت كلام ان اللي تطلع من الجامعه مايقبلونها مرة ثانية وحتى لو يابت شهادة ثانوية يديده ، طبا انصدمت لاني حاليا اعيد الثانوية عشان هالهدف .اتصلت بالقبول والتسجيل وقلتلهم انتو قلتوا لي قبل سنة بالضبط انكم بتقبلوني كمستجده والحين ليش تغير الكلام قالت هذا قانون يديد ومادري كيف ومانقدر نقبلج … طبعا انا كلمت اكثر من شخص فالقبول وكلهم نفس الكلام مانقبلج … ويأسوني تماما من الموضوع .. كلمت التعليم العالي وقالولي القانون قيد الدراسه ولين الحين ما طلع بشكل رسمي … ومانقدر نعطيج جواب هل بتنقبلين او لا وركزي على دراستج الحين وبعدين بيبين كل شي!! ..يعني حيروني اكثر وماعطوني جواب شافي
المهم قلت بتأكد من كلية التقنية واتصلت بهم عشان اتأكد اذا وصلهم هالقرار او لا وهل يمكن ان يقبلوني كمستجدة الفصل الياي ؟؟ قالت لي الموظفه فالقبول نحن ماسمعنا هالشي وماوصلنا لكن القرارات بين فترة وفترة تتغير عشان جيه مانقدر نأكد اذا بتنقبلين او لا لين شهر 9 !!
الحين خواتي اريد اعرف شو ممكن اسوي … شو رايكم فالموضوع هل حد مر بنفس اللي امر به ؟؟ انا غيرت الرغبة من الجامعه للكلية لاني يأست من الجامعه وخايفه حاليا اني ما انقبل فالكلية عشان جيه وبسبة التفكير المتواصل قلت ايي افضفض واشوف رايكن ونصايحكن … ادري بتقولن سجلي جامعه خاصة ،انا فكرت فحالة لو لا سمح الله ما انقبلت فالكلية اني اسجل فجامعه خاصه بس المشكله الجامعات الخاصه دوامها مسائي وانا صعب عليه اداوم المسا لأن عندي عيال … واتصلت بجامعة العين وبوظبي وقالولي اغلب الكلاسات المسا .. المفروض حاليا اركز على الفصل الثالث لاني ناوية على نسبة مرتفعه بس التفكير مب مخلني اركز … مب هاين عليه هالتعب كله يروح ع الفاضي … اريد اكمل دراستي من الخاطر …
اللي ماعندها نصيحة اتمنى منها تدعيلي بالتوفيق … وسامحوني ع الاطالة …