السلام عليكم ورحمة الله وبركاته
:1 (26):
مبروك عليكم العيد وينعاد عليكم كل سنه وكل حول
>>>>>>>> ادخلي في موضوع يالله :22 (12):
فكرة اخذ الليسن ولكن واجهتني بعض العقبات
لاني اول وحده من اهلي اخذه من ابوظبي ومحد
يعرف وين اقدم وكيف ومن هالاشياء ..
والاهم اني ساكنه في السمحه يعني منطقه شوي بعيده
فطلبي هو :
اتمنى اذا في حد من " الباهيه او الشهامه او المناطق الشعبيه القريبه "
خذت الليسن تقول لي وين اروح اسجل واذا عندها رقم حرمه تعلم السواقه
وكم احتاي اقصد التكاليف …
وشكرا مقدما :22 (12):
هلالالالالالالالالالالالا وغلالالالالالالالالا اختي
الله يوفقج ياااااااااااااااارب وباذن الله تتحقق امنيتج وتاخذين الليسن يااااااااااارب شوووووووفي انا خواتي الاثنتنين خذوا الليسن من جم سنة بس كانت الامور ميسرة قبل بس الحين الامور تغيرت لازم تروحين مصفح في هناك مدرسة لتعليم السواقة وعلى ما اعتقد تدفعين لهم مقدما 2024 درهم علشان الملف وبعدين هم يدورون لج مدربة تعلمج من عندهم
ليالي الامارات
اختي يعني اروح مصفح
وهم بسون لي كل شي ؟؟
والا هذي المدرسه بس تعلم ؟؟
مازلت في انتظار ردكم
وكلي امل انكم ما بتخيبون ظني فيكم
شوفي حبيبتي
اول شي تروحيين المرور تفتحيين ملف وهم يعطونج ورقه حق المصفح
وتسيريين هناك وتدفعيين 780 درهم حق الدراسه ويعطونج كتاب تدرسين منه جنج رايحه مدرسه
وتميين تسيرين تدرسين هناك مده اسبوع ثلاث ساعات في اليوم ليما تخلصيين…بعديين يعطونج
امتحان ولازم تنجحيين فييه واذا ما نجحتي طبعا لازم تعيدنه…
بعديين يعطونج ورقه النجاح ولازم ترديين اتسيرين المرور ويعطونج موعد حق التراي….
هذا اذا روحج بتدوريين مدربه..
اما اذا تبيين من مدرسه المصفح اظني لازم تدفعيين 2024 او 3000 درهم حق التعلييم…وتتعلميين هناك عندهم…
وانا صراحه ما انصج يمكن انتي تطلعيين سويقه مثلي(ما شاء الله علي):1 (84): وتاخذين الليسن بسرعه والفلوس تروح عليج…
مثلا انا فتحت الملف وسرت المصفح وخذيت الليسن كله بس دفعت 1700 درهم تقريبا او اكثر شوي….
ثاني شي انتي بتتعلميين داخل المدرسه يعني ماب تعرفيين تتصرفيين اذا كنتي داخل الشارع
صدق…وعدالج شاحنات او باصلات..او اذا كنتي في الزحمه والشارع ضيق….هذا رأي وانتي براحتج
انشاء الله اكوون افدتج
والسموحه
انزين مايستوي ناخذه بدون ما نروح مصفح؟؟؟
يعني اتعلم وبعدين اسوي تراي على طول؟؟؟
السموحه ماعندي فكره