ولدي عمره 3 سنوات ونص
يعاني من تأخر في النطق، وكان دوم يعاني من التهاب الاذن والزكام المستمر،، ودينا المستشفى طلع عنده ماي خلف الطبلة والتهاب ف لحمية الانف وقال الطبيب الولد يحتاج ل عملية والحمدلله نجحت العملية ولكن لين الحين الولد يعاني من تأخر ف النطق والحروف ما تطلع من مخارجها الصحيحة
سوينا فحص للاذن ( تخطيط سمع) بعد العملية تبين انه اذن وحدة ما يسمع منها عدل، وتبين انه هالاذن اللي ما يسمع منها عدل فيها التهاب ووصف لنا الدكتور دواء ونراجعه بعد اسبوع وصارت ظروف وسرنا بعد 3 اسابيع وفحصه الدكتور وقال لنا الاذن بعدها ملتهبة ووصف لنا دواء لمدة 10 ايام وعقب نراجعه( باقي اسبوع ع الموعد)
واحس انه ما يفهم عدل، هل السمع مأثر على فهمه؟؟
لاني صدق تعبانة واتأزمت نفسيا من الحالة اللي هو فيها لانه يتكلم وما افهم عليه زين
يا ليت اللي عندها خبرة تساعدني
واللي مرت بنفس حالتي تفيدني
الله يحفظ لنا عيالنا من كل شر
آمين يا رب العالمين
اذا ما يسمع عدل اكيد ما بيتلقى الكلام صح وبالتالي ما بيقدر يتكلم انتي حاولي اتحلين مشاكل السمع عنده وعقب اذا استمرت المشكلة معاه اعرضيه على اختصاصي توحد عسب تتاكدين انه ما يعاني من التوحد لاسمح الله
حبيبتي لازم تعالجين أذنه وان شاء الله بيكون بخير
وع فكرة هذا ماله علاقة بالتوحد، التوحد شي ثاني غير يمكن أخت الورقا مخربطة شوي
الله يطمنج عليه
اختي تاخر النطق عنده بسبب السمع وبالنسبة لهذا الالتهاب عادي يصير عند الاطفال
وياخذ وقت وفي بعض الحالات يستوي ثقب بالطبلة لا سمح الله لكن الحلو بالاطفال انهم يتشافون من هذي الالتهابات يعني حتى لو صار ثقب بالطبلة بتلتئم عندهم وترجع طبيعية وهذا كلام طبيب اذن وانف وحنجرة كنت اعالج بنتي عنده
يعني بمجرد ما يشفى من الالتهاب المفروض تبداي معاه تركزين على مسالة النطق ومخارج الاحرف بشكل صحيح
المشاركة الأصلية كتبت بواسطة الورقا 
اختي انا عرضته ع اكثر من اخصائي الحمدلله ما يعاني من التوحد
المشاركة الأصلية كتبت بواسطة رسايل غلا وع فكرة هذا ماله علاقة بالتوحد، التوحد شي ثاني غير يمكن أخت الورقا مخربطة شوي
الله يطمنج عليه
تسلمين حبيبتي
نحن عالجنا الاذن بعملية سحب الماء من وراء الطبلة
لكن الالتهاب يرد ف اذن وحدة ويرتفع فيها الضغط
المشاركة الأصلية كتبت بواسطة ليندااااا وياخذ وقت وفي بعض الحالات يستوي ثقب بالطبلة لا سمح الله لكن الحلو بالاطفال انهم يتشافون من هذي الالتهابات يعني حتى لو صار ثقب بالطبلة بتلتئم عندهم وترجع طبيعية وهذا كلام طبيب اذن وانف وحنجرة كنت اعالج بنتي عنده
يعني بمجرد ما يشفى من الالتهاب المفروض تبداي معاه تركزين على مسالة النطق ومخارج الاحرف بشكل صحيح
لما التهبت اذونه ف البداية صار ثقب ف الطبلة
والحمدلله خضع للعملية ونجحت العملية والتأم الثقب
اختي بدينا معاه جلسات النطق لكن الحروف مب واضحة مخارجها
مشكورة اختي ع الرد