السلام عليكم ورحمة الله وبركاته
ابني فديته رح يكمل السنتين بعد شهرين وهو للحين ما يمشي ……..وديته كذا عياده وسويت له تحاليل
الحمد الله ماطلع فيه شيء …..هو حركي واااااااااااااااااااايد ……..بس مايقدر يمشي
بلييييييييييييييييييييييييييز طمنوني لو في أحد نفس حالته…………..
ان شاء بيمشي وبيلعوزج ماعيله
دام سويتي فحوصات وطلعن سليمه،الحمدلله يعني هو بخير
بس يمكن دلوع،،
حطيه ف المشايه دايما عشان يتعلم وحاولي تعلمينه المشي
عادي اختيه ،،
لا تحاتين والله
بنت عمي نفس الشي كانت جيه وبعد كانت عجيبه والله ما تحبي كانت تزحف وهيه يالسه لين اصلخت من تحت وكل حد يتراه تمشي من كثر ما اتصلخت من الزحف
والحينه ماشالله مشت وكبرت والسنه دخلت المدرسه لا تحاتين فديتج دام كل التحاليل سليمه
انتي دربيه عالمشي..امسكيه من ايديه ووقفيه واسحبيه شوي شوي…اذا يالس ما بيتعلم…حاسة فيج الله يعينج على تعليقات اللي حواليج
وحدة مرة قالت لي ان هم يعلمون الياهل عالمشي ان ييبون عصااية .. هم ميودين طرفها .. ويخلون الياهل ييود الطرف الثاني ..
ويسحبون الياهل شوي شوي .. وبجي يتعلم المشي ..
اممم اخذي له المشاية اللي هو يدزها من ورا .. واااايد بتساعده يتعلم ..
وان شالله ما عليه شرر ..
انصحج بالمشايه…
وانشاء الله بيمشي ^^
عطيه زيت الـحـــــــوووووووووووووووووووووت خذي الي بدون منكهااااااات
لانه يشد العظم واكيد نصحه لك الدكتووووووووور