خواتى الكريمات انا اداوم واشفط لابنى الحليب ولكن لايشرب
فبغيت اعرف شو ممكن اسوى
وهل يمكن احصل فى الصيدلية مرضعة قريبة من شكل الثدى
ربي يوفقج
انتي حاولي معاه وفي حلمه مرضعه مثل حلمه الصدر اسالي في الصيدليه وجربي يمكن تنفع
أنا ولديه ما طاع يشرب مرضعه ولين اليوم ما يعرفلها ^^
وبنتي بعد ما طاعت تشرب مرضعه والحين عمرها 7 شهور واعطيها حليب بالملعقه …+ الرضاعه الطبيعيه
جربت كل شي ..كل انواع الحلمات في السوق جربتها …وما فيه فايده ^^
شوفي فديتج اولا انا كنت جيه وخايفه وايد من هالموضوع بس امايه علمتني طريقه ..!
اول شي جربي هالشي فالويكند يعني يوم بتكونين فاضيه
لا تتعودين ع الششفط لانه يصدق يتعب الصدر وينشف الحليب
لو ولدج عمره فوق ال 6 شهور عادي دخليله حليب صناعي لانه يعتبر تغذى من حليبج
هاتي المرضعه وحطي فيها الحليب خليه لين مايصير دافي لكن قبلها انتي لاترضعينه خليه ييكون يوعاااان
حطي فوق خلمة المرضعه عسل عشان يعيبه طعمها ..!!
وبعدين يوم بتشوفينه خلاص يوعان عطيه المرضعه بيتم يلحس العسل وتمي بعد حطي وحطي ليييين مايتعود يقبضها ولا تتياسين حاولي مره مرتين ثلاث حتى لو تم وايد يصيح قوي قلبح ..!!
وبالهالطريقه مع شوية صبر بيقبضها ان شاء الله
الياهل أول ما يقوم من النوم يكون يوعان وايد
فأي شي بتعطينه بيشربه
يعني اذا بغيتي تعودين ولدج على المرضعه
عطيه اياها أول ما يقوم من النوم على طول
كرري العمليه 3 الى 4 مرات باليوم
ويوم عن يوم بيتعود انشاالله
بس حاسبي يعاف الصدر
انا شراتج ولدي ما يمسك الرضاعه موووووووليه جربت وايد رضاعات بدون فايده :(