ابني ما شاء الله عليه عمره 4 سنوات بيخلص كي جي 1 وهو يحب البكاء جدا من يوم مانولد وهو يبكي على كل شيء والاول كان يظل يبكي وانا اخليه ما اريد احقق طلبه حتى لايتعود على البكاء حتى يرجع كل اللي في بطنه
كان دايما محرجنى عند الناس اما يوسخ ليهم البيت بعد الترجيع فكنت احيانا اتنازل وانا بره واحقق طلبه
وكنت اقول مع الوقت راح يكبر ويوقف بكى
انا في البيت مايهمنى من بكاه اخليه يبكي جربت كل اساليب التهديد يعني اقول له لو بكيت ما هتطلع معانا يبكي زياده يريد يطلع:1 (55):
واحيانا اخليه في زاوية في الغرفه لحد مايخلص بكى يظل يبكي يبكي يريد يمشي من المكان ويختم الحفله بالترجيع
والله مليت من البكاء هو صار كبير ماعرف ايش اسوي؟
ولا رد؟
حياج الله أختي أنا اول مره اشترك في المنتدى
سلام مربع :22 (27):
ان قراءت موضوعج وكانت عندي نفس المشكله مع
ولدي بس الحين الحمد لله انفجت العقده تدرين شو سويت 
قريت في كتاب ( تراني اموت في القراءه )
انه ولدج اذا كان من النوع الصياح وخاصه للانه بيسير
الروضه ما عليج الا يوم بتقومينه الصبح تقولين له
انا اليوم ابك تصارخ وووووووووووووووايد قد ما تقدر
وبتسير المدرسه 00000 يعني ما فيه تساهل
معاه حتى لو بطل حلجه وصاح تمي قولي له اكثر اكثر
وتجاهليه شو مب وايد 00000 حرام وكل مرهيصارخ سو
نفس الشي تصدقين ولدي كان طول السنه كان متعبني وياه
كله مصايح يوم بتقولين يله مدرسه فج حلجه الين ما يرجع
ومن طبقت عليه من اول مره قلت ابك اليوم تبطل حلجك وتصارخ
لين ما بلاعيمك اطيح برع ويله مدرسه تدرين شو سوى
اقولج اطالعني بهايج النظره وقال000 ومن قال انا بصارخ ولا
بصيح انا ريال 000000 شفتي عاد 0:1 (46):
شكرا حبيبتى على ردك بس مانفعت معاه هالطريقه يظل يبكي زياده ويكح واحيانا يحط يده في حلقه علشان يرجع ويقرفنا
مره خليته بعد مارجع ولابدلت ملابسه علشان ينقرف ومايعملها تاني ولافرقت معاه فتح دولابه وبدل لنفسه!!
احسه يتونس اما يبكي
والله انا اللي مليت من البكى احس اعصابي ماعاد تتحمل
اعطوني ارئكم من فضلكم
مرحبا عزيزتي " pearl " جربي معاه اسلوب الهدايا يعني مثلا اليوم صار موقف وعدى بدون مايصيح فعطيه حلاوة او اشتريله ايس كريم وقوليله هذه حقك لانك اليوم ماصحت وهكذا ، ولدج ماشاء الله عليه من النوع اللي يعاند اذا طنشتيه فلازم اتحاولين تكسبينه فمب شرط في كل المواقف اطنشينه لانه في مواقف يكون محتاج لاهتمامج او حتي يحتاج انج تحضنينه … والسموحة ^_^
أنا تقريبا أعاني من نفس مشكلتج
بس بنتي الله يحفضها متعلقة بالمرضاعة وايد عمرها تقريبا 3سنوات و10شهور
حاولت اتركها المرضاعة بكل الطرق بس ماقدرت عليها حتى في الليل تبي ترضع واذا ماعطيتها تصيح صياح تأذيني
عطوني حل إذا عندكم
انا مشكلة ولدي نفسج يا أم حنان ونفس سن بنتج وما اعرف شو الحل معاه.