ههه لاتفهمونية غلط … السالفة ومافيها ..
ربيعتية تدرس في الجامعة .. وهي تاخذ دورة اي سي دي ال في مركز في العين …
واحد من الايداريين المواطنين اللي يشتغلون في المركز .. عايبنها .. يعني الريال اخلاقه زينة وحشيم .. وربيعتية منجذبتله .. بس لان البنت بنت عرب وجبايل ومتربية صح عمرها مافكرت في اشياء غلط مثل انها تتعرف عليه وهالخرابيط مثل باقي البنات ..
يالسة ترمسي تقولي قسمن بالله اني من كثر مااشدنية اخلاق هالريال اتمناه يكون ريلي .. نشيت في اللي وصليت القيام وتدعيت ربي من الخاطر انه يكون من نصيبي ..
ههههههههه غمظتني حليلها ..
انتو شو رايكم ..؟؟ هل عادي بنية تتمنى ريال في الحلال..؟؟
ولين متى بتم صابرة ..؟؟ وهي ماجربت الحلال ولا درب التعارف والشباب ..؟؟
عادي لو بادرت هي ..؟؟ ( انا اشوفها صعبة)
انزين كيف تجذبه لها .. وهي تتغشى ..؟؟
سمحولية ع الاطالة اتريا ردودكم .. استقبل رسايل خاصة
مرحبا اختي….الصراحة للاسف في مجتمعنا مب مسموح او البنت من تربيتها ما تقدر تبادر…لكن ايام الرسول صلى الله عليه و سلم ….الحرمة اذا شافت شخص اخلاقة زينه كانت تعرض نفسها للزواج…و الرسول ما قال شي…كان هذا عادي
بس انا انصح البنت تدعي ربها و تقوم قيام الليل و تكثر من الاستغفار بنية ان الله يرزقها هذا الريال….لان ما اعتقد في حل واقعي اكثر من جي ……مع ان نحن ما نعلم الغيب….يعني يمكن الله يكتبلها شخص احسن…..بس شو نسوي القلب هو اللي يختار….
و اغضوا ابصاركم
ترا هاي الجلمه مب بس حق الرياييل بعد حق الحريم
اختيه شوفي ترا وايد صعبه اذا الحرمه بدت تتكلم ويا الريال بعدين الريال شو بيفكر فيها هيه هي الي يتني
و انزين جنى هو ما ايفكر فيها مثل اهي ما اتفكر فيه جنى هو متزوج او مالج كيف اهي اتفكر فيه
و الصراحه كيف تبغينا انقوللها كيف تجذبه ؟؟؟!!!! ترا حتى التفكير في هالشي معصيه
الله يستر عليها
لين متى بتم صابرة؟؟
لين الله يرزقها اللي كاتبنه لها
عادي لو بادرت هي؟؟
طبعا مب عادي يالغالية…
انزين كيف تجذبه لها .. وهي تتغشى ..؟؟
البنت بأخلاقها…
السموحة يالغالية
ان شاء الله يكون من نصيبها
قوليها خلي تستغفر وتقيم الليل وتدعي ان يكون من نصيبها وقرااءة سورة البقرة
المشاركة الأصلية كتبت بواسطة Pink_Skull 
بس انا انصح البنت تدعي ربها و تقوم قيام الليل و تكثر من الاستغفار بنية ان الله يرزقها هذا الريال….لان ما اعتقد في حل واقعي اكثر من جي ……مع ان نحن ما نعلم الغيب….يعني يمكن الله يكتبلها شخص احسن…..بس شو نسوي القلب هو اللي يختار….
عين العقل عيبني ردج الله يكملج بعقلج
تدعي ربها وبعون الله يا بيكون من نصيبها او بيجيها الي احسن عنه