السلام عليكم ورحمة الله وبركاته
هلا بنات اشحالكم عساكم بخير، في خاطري تنصحوني وتعطوني من نصايحكم الزينة والحلوة بالنسبة في كيفيه التعامل مع زوج المستقبل ومع اهل الزوج بالذات لاني بسكن معاهم ان شاء الله بعد الزواج فكيف بتعامل مع ام زوجي وحريم اخوانه اللي ساكنين معاي في البيت ،
شو الاشياء والضوابط والحدود اللي بيني وبينهم وهل العروس يوم تتزوج تخبر زوجها بكل شي يضايقها ولا تخبر اهلها ولا تكتمها في قلبها في حاله اذا صادفها موقف ما تعرف تتصرف فيه ولا ضايقها
مشكلتي اني حساسه وايد وكتومه فما اعرف كيف اتعامل مع ناس غير عن امي وابوي وبالذات لاني بعيش وياهم في بيت واحد
فابغي النصيحه منكم في كيفيه التعامل مع زوج المستقبل ومع اهله
وربي يسعدكم دنيا واخره ان شاء الله
انشاء الله المتزوجات يفيدونج لاني مب متزوجه
اول شي الله يوفقج في حياتج اليديده و الله يسعدج و يهنيج
ثانيا يا الغاليه عاملي اهل ريلج جنهم هلج يعني امه اعتبريها امج و خواته اعتبريهم خواتج
حاولي تكسبين الكل بالمعامله الطيبه و اذا غلطوا عليج لا تسكتين و لا انج تكبرين الموضوع
حاولي تكونين اعقل منهم و دوم امدحي امه و خواته جدامه جي بيستانس واايد
لا تاخذين كل الامور بحساسيه تراج وايد بتتعبين لأن حتى في تعاملج مع الريال تصير بعض الخلافات
اتعودي اطنشين
و الله يوفقج حبيبتي و اذا عندج سؤال ثاني انا حاضره ^_^
مثل ماقلت خلود بس بخبرك انتي خليك وياااااااهم على طول طيبه وحبوبه بس خلي بينكم حد مايتجاوزونه من الاحترام هيه ضحكي ووسعي صدرك معهم بس بيني لهم مثل ماتحترموني احترمكم ولاتصيرين متمرده ولا ضعيفة شخصية واكسبي ام زوجك وهي اهمهم كلهم واذا ضايقك شي خبري امك بس لاتكتمين بقلبك بس ماتقولين كل صغيره وكبيره خاصة الشي اللي بينك وبين زوجك
على فكره كوني حبوبه بس لاتزودينها وتاخذين خواته يوم تطلعون انتي وريلك لانهم بيتعودون على كذا وبعد فتره بتملين عاد تبين تطلعين مع زوجك وحدكم فزوجك على ماعودتيه عوديه علىطباعك