ابغي افكار حق هالليس

اشحاكم خواتي وعساكم بخير

امس اشتريت هالليس حق عباه وشيله في بالي كذا فكره بس ما اعرف

فقلت اشووف بنات المنتدى الذويقات شو رايكم في الليس وعطوني افكار حق عباه وشيله

انا عن نفس فكرت ان اقول للخياط ان يقصص الدواير ويركبهم من الجتف لي تحت الابط من ورا وجدام والايد تكون قصه فرنسي وداخلها قطعه حرير بيضا والشيله طرف واحد بس الطرف ما يكون سيده يكون على شكل u شرايكم؟

ياليت تفيدوني بسرعه

المشاركة الأصلية كتبت بواسطة ام تميـــم

حلوه حركت الايد الي بتسوينها بس من فوق خليييييييه يقطعهن وحده وحده على الظهر والصدر من فوق ويوزعهن عدال بعض بس كل مانزلن كل مابتعدن عن بعض بس لاتخلينه ينزلهن واايد يعني بس لين آخر الصدر عشان ماتطلع اووفر قريب شفت بنت مسويه جيه بس كل الالوان وااايد عيبتني,, هذا رايي و ان شاء الله تلاقين الموديل الي يعيبج وتطلع واو ^^

مشكوره فديتج ام تميم

يعني جي فكرتج تقريباً شرات فكرتي

بس انتي الموديل اللي شفتيه الدواير صغار ولا كبار؟ لان هذا اللي عندي نوعاً ما كبار.. انا بقوله يقصهم ويوزعهم وبنشوف شو اللي يناسب