السلام عليكم شحالكم بنات عساكم بخير
في البدايه بقولكم نبذه عن حياتي انا متزوجه وكاشفه ريلي انه يخوني ..
واليوم نشيت على حلم عنه
الحلم كان :
حلمت اني سايره السوق مع اميه وابويه وخلوووني وراحوووو وشوي اني اشوف ريلي جدام عيني يرمس بالتيلفون الي داسنه عني…سرت لين عنده وهو انتبه لي وخش التيلفون
جان اسير واقوله شو تسوي هنيه..ارتبك جان انش واحط يدي في مخباه واشل التيلفون وعقب ما شفته زاعقت قلت هذااا الي مخبنه علي ..وتمييت في الحلم اصيح وانتفض..وعقب تميت ادق من تيلفونه على رقمي عشان يطلع الرقم…نش هو وقالي ليش ادقين الرقم هذا رقمي القديم ارتحتي الحين..بعدين تميت اركض واركض في الحاره وكنت يايه بدخل بيت ..جان يزاعق يقول لا تفضحينااا ولا تدخلين البيت …وانا على فكره كنت بلا شيله في الحلم..
دخلت البيت ووصلت الدري.. كنت اباا ادخل البيت من الباب الخلفي وكنت ابا اطلع من الباب الجدامي عشان ما يمسكني واشوف الي في التيلفوون..بس بعد ما زاعق علي فرني بقطعه رخام محدده وشحفتني عند اذني…وبعدين جان اطلع واركض وبعدين وقفت وشفت المسجات وكانن المسجات كلها كلام قذر وصور خليعه.. وانا في الحلم اصيح بصوت عالي واصارخ وادعي عليه واقول الله يلعنك الله يلعنك
بليز الي عندها تفسير تقووولي
ويزاكم الله خير
الله اعلم
بس اذا شفتي دم طلع من اذنج في الحلم معناته باطل
وبنات رجاء اللي ماتعرف تفسير الحلم لاتفسره
يزاكن الله خير على طلتكن الحلوه وعلى رمستكن والله احس اني ارتحت شوي
ااختي شكلك كنتي اتفكرين وايد في الموضوع لدرجة انه انعكس عليج وحلمتي الي كان موجود في الباطن ..
اختي الغالية لاتنظرين للحلم .. مش كل حلم حقيقة ..
هذي اضغاث احلام .. وحديث العقل والنفس
انتي الظاهر موب مرتاحه في حياتج .. وريلج مطفر بج
الله يعينج
الغاليه المفروض ما تكتبين الحلم في العام لانه الحلم اذا تفسر غلط يمكن يقع
نصيحه مرة ثانيه لو حلمتي حلم واتضايقتي منه لا تخبرين حد فما بيضرج لانه من الشيطان
واذا حلم زين بعد لا تخبرين الا اللي تحبينه والا واحد عالم بالتفسير
وان شاء الله خير
من كثر التفكير لا تحاتين ولا تفكرين والله الرياييل ما يستاهلون
حبيبتي هذي اضغاث احلام