خواتي الامهات كيف حالكن
مابطول عليكم بس عندي سؤال بسيط
انا بنتي ام 9 شهور تقريبا وارضعها الحمدلله طبيعي واعطيها مساعده صناعي
سؤالي : انا اعطيها حليب سيميلاك من يوم عمرها شهرين للحين ، بس الحين ابا اغيره لهااحسها استوت ماتحب تشربه ،، شو احسن حليب اعطيها اياه ؟؟؟؟؟؟؟
وهذي الصوره حصلته من النت عشان اتعرفين شكله بس خلي بالج مااتحصلينه حتى فالهنولولو بس فسبينس خخخخخ لا صج 
يعني اذا تسيرين خذي كميه لأن يمكن سبينس بعيد عليج او يمكن يوم تحتاجين ويسكر مثلا فماتلقينه فالصيدليات او الكارفور انسي… ماخذينه سبينس حصري ويقولون فانكلترا يعتبر الحليب الاول عندهم ومايستخدمون غيره وع فكره ترا سعره شوي غالي يعني مب مثل سيملاك وغيره بس يستاهل والبيبي بعد يستاهل جني سويت لهم اعلان وهذربت وايد ع العموم انا استخدمه وبستخدمه للبيبي الياي ان شاء الله
السلام عليكم الغاليه
حبيبتي انا فبريطانيا الدكتوره الي كنت اعالج ولدي عندها لما كان فعمر بنتج قالت لي عن نفس الحليب الي تتكلم عنه ام زايد بس ولدي ما كمل عليه وفيه حليب ثاني بعد اسمه NOVOLAC وهذا الحلو فيه انا فيه كذا تركيبه يعني فيه للامساك وفيه للترجيع وااايد انتي اختاري الي اناسب بنتج
الغاليه نصيحه انا سمعتها وابي اقولها لج
ابعدي عن حليب اسمه نان لان العوز الياهل ويخليه يضعف واااااااااااااااااااااااااااااايد عن تجربة وحده من صديقاتي تعبت واااااااايد منه حتى الدكتوره منعتها عن انتي اكتبي اسمه فGoogle وراح تحصلين كل شي
والسموحه اذا طولت عليج
الله يحفض لج بنت يارب
ابتاميل حلووو طعمه ومافيه ريحه شرات باقي الحليب وااايد خفيف عالمعده ويربي صحه ماشاء الله انصحج فيه انا ولدي كنت اعطييه سيميلاك بس ريحته استغفرالله وكان يبس له بطنه واايد عقب عطيته بيبي لاك يلاك سواله اسهال مع انه خفيف اخر شي نااسبه ابتاميل حسيته واايد ناسبه وولدي ظعيف من استخدمته له ماشاء الله دغدغ
مشكورة ام زايد فديتج عالرد
بس عندي سؤال كم مرة يعني اعطي بنتي الحليب وشو الاوقات اللي اعطيها
انا ماما لاول مرة وماعرف كم مرة اعطيها
مشكوووورة اختي سما دبي عالرد
بحاول اجربه لها وانشالله خير
ابتاميل