ابا اتزوج

السلام عليكم
انا مطلقه من 17 سنه ابا اتزوج بذلت كل الأسباب كلمت خطابات طلعت من البيت رحت مناسبات رحت أماكن مختلطه بالرجال كان عندي شغل ولا في فايده ما خليت حد ما كلمته عن رغبتي بالزواج حتى كلمت خطاب يتعاون مع خطابات وكله جذب ف جذب وعود وكلام ع الفاضي والله تعبت من الوحدة ابا ريال تعرفون قصدي مابا حرام احاول امنع نفسي عن الحرام حتى اغض البصر ونا فالسوق وانا الحمدلله اصلي وملتزمه ومالي بسوالف الحرام احيانا احس بالملل والوحده أفكر أكلم ريال حتى لو صداقه وبعدين أقول مافي شي أسمه صداقه اكيد بنغلط وودر الفكره حتى تنازلت وقبلت بمتزوج بعدما كنت رافضه الفكره بس الحين خلاص قلت برضى بس يكون في عذر للزواج عشان ما اظلم زوجته الاولى وحتى المتزوج ما لقيت وإذا لقيت يتشرطون يبون وحده صغيره او يطّلع فيه عيب استغفر الله ادري انه هالشي نصيب ورزق من رب العالمين بس مليت كل البنات اللي اصغر عني واللي من عمري حتى اللي كنت اشلهن اول ما نولدو تزوجو الا انا صرت ما اروح اي جلسه حريم البنات اصغر عني كل وحده تتكلم عن زوجها وانا احس غريبه بينهن حتى قلت بتوظف يمكن ألقى نصيبي بعد الوظيفه وما حصلت وظيفه 15 سنه أدور هالوظيفه عشان اشغل وقت فراغي وتكون سبب لزواجي ابا اتزوج ابا ريال شرات كل البنات والحريم

تمت الموافقة
الكلمة الطيبة صــــدقة

شوفي ادري الكلام صعب لكن سمعي عادة اذا فكرتي بشي كثير صعب تحصلي عليه انسي الموضوع فترة شوي
وانتي قلتي كلمتي الناس والخطابات واشياء كثيرة لكن نسيتي الاساس ترجعين لرب العباد
ادعي دائما بالزوج الصالح اصدقي استغفري قيام الليل اشتركي بمركز تحفيظ

الله يرزقك بالزوج الصالح الي يسعدك ويفرحك

الله يرزقج يا اختي

نحن مابيدنا شي ردي لربج وادعي الله يرزقج بالزوج الصالح لي يعوضج ويسعدج

الله يرزقك بالزوج الصالح
ادعي رب العالمين يهب لكي الزوج الصالح التقي

والله اول شي بقوله انك انسانه فيك خير وتخافين ربك وان شاء الله ربي بيرزقك لحسن نيتك اللي طردتي الحرام
الشي الثاني مو كل زوج وزواج موفق
كثير من البنات هنا وبكل مكان سبب تعاستهم ازواجهم ويتمنون انهم ماتزوجو بيوم من الايام
لكن خلي ايمانك وثقتك بربك كبيره وعلى فكره ابداً مو غلط انك تبحثين لنفسك عن زوج بس يكون انسان يخاف ربه خليك متفائله وان شاء الله امورك طيبه واذا امكن تتواصلين معي بالخاص وعسى الله يرزقك بالزوج الصالح اللي يسعدك

أصلح الله حالك وبالك وحقق أمنياتك ومافيه الخير لك عما قريب باذن الله

الاستغفار حبيتي ومراقبة الأعمال والإقتصاد في الذنوب قدر المستطاع,,يرسل الله إليك الخير والإنشغال بذكر
الله يريح النفس ويجلب الخير ويدفع الهموم بإذن الله ,,وانتظارك للفرج والخير عباده وحسن ظن برب العالمين
يعني هذي سنين قضيتيها مع الأجر من الله وما ضاعت هباء,, اجعلي الله وكيلك ووكلي الامر لرب الخلق فهو نعم الوكيل