مرحبا فديتكن
أن شاء الله الخميس الياي عندنا عزيمة عوده
وخاااااااااااطرنا نسوي حركات في تقديم القهوة و الفوالة و غيره و غيره
بليز إللي تعرف شي من الحركات الفنتكة إلي توها يديده في التقديم
ترد عليه وتساعدنيه
أعرفكن ما بتقصرن
انا عندي حلويات حلوه ومطلوبه وايد في العزايم و المناسبات لو حابه راسليني ع الخاص حبيبتي ^____^
عندي فكره اذا مكان الفواله غير عن مكان اليلسه
فشو رايج…اذا كانت على الارض مش على الطاوله
تخلووون الاضاءه خافته
وتحطووووون شمووووع على المفرش…وتحطين شتلات صغيره من الورد البلاستك او شجيرات اصغيره..وترتبين الصحون والشوك والسكاكين في مكانها
ولا تنسين تحطين تحت الصحون الشراشف المستطيله…تعارفيها.. بتلاقيها فذا ون او هوم سنتر.بيكون وايد مرتب
مرت اخويه مره سوتها لنا الصراحه الحركه كانت وايد حلوه
الغاليه اول مايدخلون عليج دخنينهم بس بدون العطر و بعدين كل شئ تكونين مرتبتنه مثل دله قهوه و كستر و زعتر و شاي اخضر وشاي احمر و حليب بزعفران
اول شئ تقدمين القهوه و مع رطب و سويت صغير
و بعدين تقطعين فواكه وتقطعينها بشكل ارقى
و بعدين تحطين الفواله الكبيره
مثل فريد وهريس و خبيص و مرقوقه ومحاشي و باستا و فته و عصير حركات واشكال و بعدين سويت مثل حلويات و كيك و سلطه فواكه و بعدين المدخن اخر شئ مع العطر
للرفع
نحن نسوي شرات ماقالت احبه حييل
يعل من ردت عليه مثواها الجنة يا رب
تسلمن فديتكن ما قصرتن
إنزين عندي سؤال
في صواني التقديم نفسها شو ممكن أسوي حركات
أنا قلت على طرف كل صينية بحط ورده طبيعية فوق المفرش شو رايكن