بسم الله الرحمن الرحيم
أخواتي الكريمات عضوات المنتدى
نود أن نبلغكن أن إدارة شبكة سيدات الإمارات تخلي مسؤوليتها من أي تعامل تجاري
مع العضوة التي تروج ل ( أم نوف من السعودية )
والتي تم حظر أكثر من 7 عضويات لها
على الرغم من انذارها وتنبيها والطلب منها التسجيل في عضوية التاجرة الا أنها تصر على التسجيل بأكثر من اسم وطرح مواضيع في أقسام الشعر والبشرة والعروس
و اتباع الأساليب الملتوية في الدعاية عن نفسها
علما بأن دعاياتها تكون بالإسلوب التالي :
السلام عليكم ورحمة الله وبركاته
كيف حالكم ياسيداتي العزيزاااااااااات
حابه اقول لكم تجربتي مع الزيت الي استعمله
انا شعري خفيف جدا ومايطول وايد واذا طول مايتعدى تحت كتفي بشوي ومخترب كلش بسبة الصبغات
وماخليت شي ماسويته جربت انواع الزيووت ام الجدايل ورتاج والحيه والحشيشه والخ الخ الخ
وتنفعني شوي بس عقب يرجع شعري مثل قبل المهم
انا متعوده كل فتره اروح حق صالون اتعامل معاه يسون لي حمام زيت احافظ على ماتبقى من شعري
وفيه بنت دوم تجي الصالون وشعرها تقريبا نفس شعري بعد فتره تقريبا 6 شهور شفت البنت
ماشالله تبارك الله قبل لا اتكلم تغير شعرها وايد
طول وصل لين اسفل ظهرها ونعومه ولمعه غير طبيعيه والاحلى شعرها صار وايد (كثيف )
على طول قمت من كرسيي وسئلتها شسوت في شعرها
وقالت لي انا تستخدم زيت من عند وحده تبيعه وعلى طول خذت رقمها وكلمتها وخذت لي منها قرشه وهي نفس الحرمه الي خبرتكم عليها تبيع كريم التبيض
والله انه في خلال شهر تغير شعري حسيت بنعومه ولمعان
جنه ميت وانتعش
وشعر صغير ينمو في المناطق الي في شعري فاضيه واختفى تساقط شعري الي كل يوم يلعوزني
والحمدالله على ماوصلت له ولين الحين وانا استخدمه وصار لي الحين شهرين ونص
وابشركم طول في شهرين8 اصااااابع
وجزاها الله خير البنت الي دلتني على الحرمه
وامانه اي وحده ادش تدعي لها بالتوفيق
وهي تروج لمنتجات تبييض البشرة و زيت الشعر و مزيل عرق وكريمات ..الخ
واسم الحرمة التي ذكرتها في موضوعها هو : أم نوف من السعودية
لذا نحذر جميع العضوات من الإنسياق وراء المدح الزائف لها من خلال التسجيل بأكثر من عضوية
والمنتدى غير مسؤول عن أي عضوة يغرر بها بهذه الدعايات الزائفة
حيث أننا نحاول جاهدين على حظر جميع العضويات التي سجلت بها مع تشفير رقم هاتفها
و نرجو من العضوات الإبلاغ عن أي رد أو موضوع يحوي دعاية عن هذه العضوة المعنية
لذا وجب التنويه
والله الموفق
تم تثبيت الموضوع مرة اخرى لتكرارها ذلك
باسم جديد وهو ام عهد
لكن الإسلوب هو نفسه
وللأسف الشديد ليس لديها الرغبة في الإلتزام بقوانين المنتدى والتسجيل في عضوية التاجرة كبقية التاجرات الفاضلات