مرحبا الساع
من أصبح الصبح وأنا فطريجي للحمام عزكم الله أصفق بيدي أذبّح بهالبعوض بيدي مره وبالكفاخه مره.. عادي في اليوم الواحد أجتل 20 بعوضه بيدي..مش كافي علي أنام وريحة البيت بفباف.. صرت أخاف على العيال من رش البفباف 24 ساعه. حتى وقت النوم صار أرق في أرق أحس بالبعوضه اذا يت صوب اذني وأنش متنرفزه وبو الشباب يضحك علي.صرت أحط التور على ويهي وويه العيال عشان أتحاشاهم.ماشي فايده شو أسوي؟؟؟ عيالي وجوههم تشوهت كل يوم والثاني اثار قرص البعوض
حتى صرت ما أحب أهوّي البيت ولا أفتح الدرايش خوفا من البعوض والحشرات الثانيه من دخول البيت.وكل هذا وما شي فايده !! علما ان عندي هوس بتنظيف البيت وبدال الخدامه عندي 4 وينظفون البيت مرتين وعقب كل تنظيف يرشون بفباف …يخفّون فتره لكن ما يختفون ابد !!
وزود على كل هذا كل ما أترك البيت أرشه بفباف وبين فتره وفتره أغير نوع المبيد الحشري وكل ليله أشغل الليت الكهربائي الجاذب للحشرات وماشي فايده..
من تجاربكم يالحبايب شو تنصحوني شو أسوي… بديت أجن ومن طاريهم صرت أحس بالحكه 
خبروني شو اسوي وفي ميران حسناتكم يا رب
هههه الله يعينج ياختي الحال من بعضه الغاليه شو نسوي …
أنا قمت أتبع طريقه إسمها
طأأأأأأأأأأأأأأأأأأأأأأأأأأأأأأأف
ليش أعور راسي عشان باعوضه
ياريت البنات يفيدونج الغاليه ^^
جربي تدخنين البيت بلبان
أحرق لبان ؟؟ليش لأ.. الحين أروح أجرب لأني ما أتخيل نفسي كل ليله أعاني نفس العذاب !! وانشاءالله يفيد
واللي عندها تجارب أخرى تفيدنا
انتي عندج زراعه فالبيت ؟؟
ترا الزرع وااايد ايمع البعووض ..
فإذا عندج زراعه بيكون مليون بالميه انه هي السبب فالبعوض
هيه شي زراعه في البيت وكان عندنا ريحان في كل مكان وتخلصت منه من أسبوع تقريبا لأنه كان يجمع حشرات غريبه عجيبه
بس ما أقدر أتخلص من الحديقه كلها والزرع اللي فيه أحسها صعبه شوي
واتصل بالبلديه بين فتره وفتره يرشون البيت والحديقه.لكن هذا مازل حل غير فعال.الحشرات ترد في خلال ايام !
يمكن في مكان جريب من بيتكم متجمع فيه ماي وبالتالي يتكاثر فيه البعوض ومايخلص من بيتكم . الله يعينك .