أنا كل مرة أقول ما بدش هالقسم بس الفضول يسحبني لمعرفة الجديد من القصص وأستفيد منها.
اليوم قريت موضوع عن وحده ومشكلتها مع العمه ، وطبعاً هذه مو أول مرة أقرا فيها موضوع مماثل ، أنا كل يوم أقرا مواضيع مثلها ويمكن أخس ز
أغلب المتزوجات يقولن عمتي تكرهني أو أي عبارة مماثلة ، طيب لو هي تكرهج ليش اختارتج زوجه لودها فلذة كبدها وما عندها أغلى منه وليش اختارتج تكوني أم أحفادها .
وحتى لو ما اهي اختارتج واللي اختارج الولد أكيد بتكون موافقه.
نحن أمهات ونحس فيهن .
الوحدة منهن عاشت عمرها تخدم ولدها ولما تزوج الولد ما حد فرح قدها ولما يت الزوجة اممممممممممم هني تبدا المشكله.
المشكله هي الغيرة لأن الأم حست في يوم وليله انه دورها انتهى وان يت وحده حلت محلها في البيت ، في السابق كانت الكلمه والشور والراي لها بس بعد الزواج دخلت وحده جديده اعتبرتها حلت محلها خافت انها تسحب مكانتها في قلب ولدها أو تأخذ القياده منها في البيت أو أو أو…..
إذاً هو مو كره هو غيره والشيطان قال لكم انها كره
صدقوني كل وحده فيكم تقدر بطريقتها الخاصه انها تخلي علاقتها حميمه مع عمتها وحمياتها ، كل اللي محتاجينه شويت عزيمه.
لا تنسو ان أغلبكن أمهات وان البنات بيصرن بإذن الله أمهات يعني بيصير عندها أبناء وبعدين زوجات أبناء يعني ممكن تحس بمشاعر عمتها.
ملاحظه : ترى لكل قاعدة شواااااذ
الله يكثر امثالج كلامج درر
أخجلتم تواضعي
المشاكل تستوي بين الحرمه و عمتها او خوات زوجها و 99% تقريبا منهن لهن سبب رئيسي
الا و هو
انه زوجة ولدهم ساكنه معاهم فالبيت….
كل زوجه من حقها اتطالب في بيت روحها ..((شرط من شروط الزواج الواجبات على الزوج))….و اذا الزوج ما وفرلها هالشي يكون مقصر…
و وايد زوجات يتنازلن عن هالشي المهم ..في حكم انه الزوج عليه و ديون و بيكسبون هله و بتكون علاقتهم طيبه…لكن ياما حالات طلاق استوت و مشاكل و مصايب مالها اول و لا تالي و كله بسبت سكن الزوجه مع اهل زوجها…
انا اقول تفاديا للمشاكل و صح انه الشقق غاليه ..لكن ادفع فلوس و شتري راحتي و صحتي..
شي منهن ما يفكرن اليوم بتصبرين و بتسكتين عن هله و عقب بتمرضين بسبت الهم و المشاكل و اخر شي ريلج بيعرس عليج بيقول هاي نكديه و هاي معدتها تعورها من الهم و حالتها حاله…
ومحد بيخسر غير الزوجه…..
فدخيلكم طالبو بسكن روحكم احسلكم
و السموحه
انا انقهر يوم حرمه تنقهر من ام ريلها وتغار منها شرات وحده مره كاتبه اكره امه لانها توعيه الصبح ووايد تدلعه وتقول حق ريلها انا اكره امك قهرتني كان ودي يطلقها ويردها بيت اهلها على هالرمسه
وشي حريم لهن حق لانه مرات ام الريل تتدخل وايد يعني ما تبا تصدق انه ولدها كبر وخلاص صارت له خصوصيه مع حرمته وتبدا تخرب بينهم
كلامج صحيح
الصراحة اللي تحب زوجها لازم تحب أمه …
وهاي حرمة كبيرة بحسبت أمها …
شي حريم يقولن لأ … أمي غير وهاي غير …
أنا عن تجربة … ما ابى امدح عمري … بس بصراحة يوم شافتني معاها حبتني …
وأنا وايد كنت خايفة لأني انا التجربة الاولى لها … يعني ريلي الكبير ووايد يحبها … وكانت خايفة يتغير عليها ..
واحس كل ما حبيتها واحترمتها كبرت في عينه …
واحينا تقولي قبل كنت احبج لأني أحب ولدي … بس احينا احبج شرات عيالي وما اقدر افرق بينكم ..
الله يحفظها ويخليها لنا .. قلبها وايد طيب من جيه حبيتها أكثر .. وعديتها شرات أمي ..
والصراحة اللي اذم في عمتها في خلل في شخصيتها … وعالتربية بعد ..
أمي الله يحفظها علمتنا من صغرنا نحترم اللي أكبر عنا … مهما كان .. ما بالج بأم زوجج … اللي بتكون معاج أكثر من أمج …