هلا خواتي الطباخات
اليوم بحطلكم طريقة لذيذة وسهلة للشاورما وبالصوررررررر
يالله معاااااي
نبدأ بإسم الله
أول شي إنيب دياية وإنقطعها ونغسلها وننزع الجلد عنها ( نزع الجلد أهم نقطة في طبخ الدياي عسب نتخلص من ريحة الدياي )
بعدين إنيب بصلتين كبار وإنقطعهم شرايح طولية
وإنسخن القدر وإنحط 3 ملاعق كبيرة ( طعام ) زيت زيتون في قاع القدر وإننحط فيه البصل ونهدي النار وننتظر مع التحريك لين يصير البصل لونه ذهبي وعقب انضيف عليه الدياي
وانصف الدياي بهالطريقة
إنضيف مكعبين ماجي وملعقة صغيرة فلفل أسود وملعقتين كبار سماق
ونتركه على نار هادية لين ينضج الدياي طبعا مع تغطية القدر
وعقب إنطلع الدياي وإنقطعه قطع صغيرة بهالشكل ونحتفظ بزيت الزيتون والبصل في القدر وعقب ما إنقطع الدياي إنرجعه لنفس القدر ونهدي النار ونتركه لمدة 15 دقيقة تقريبا
والحين بعد ما يجهز الدياي انجهز باقي المكونات اللي هم
– الطماطم ( إنقطعه شرايح )
– الخس ( قطع صغيرة )
– الخيار المملح ( إنقطعه شرايح طولية )
– البصل ( انقطعه شرايح طولية )
– البقدونس ( أوراق )
ووو الصلصة ( إما اتكون الطحينة مع الحمص ونعصر عليها ليمونه ) أو ( مايونيز وكاتشاب ودقوس ) وأنا أفضل الطريقة الثانية وحتى ريلي ما يحب الطحينة وايد علشان جذا بنجرب الطريقة الثانية
نخلط ملعقتين مايونيز مع أربع ملاعق كبيرة كاتشاب وملعقتين دقوس للي يحبون السبايسي
أو تاباسكو للي يحبون مووووور سبايسي مثل ماي هاسبند ككك
وإنجهز البطاطس المقلية
يمممممممممممممممممممي
وعقب نبدا بعمل السندويجة
إنيب خبز لبناني صغير وتمسح عليه الصلصة
إنحط الدياي بهالشكل
إنضيف عليه البطاطس والطماطم والخيار المملح والبقدونس والخس والبصل
وإنلف الخبز
وبتطلعلنا الشاورما بهالشكل اللذيذ
وعليكم بألف صحة وعافية (:
رووووووووووعه
تسلم ايدج
يسلموووووووووو
يوعتيني 
الله يعطيج العافيه
تسلم ايدج
شكرا …