شخباركم بنات …
مشكلتي ما أعرف كل يوم شو أطبخ لعيالي فترة العصر خصوصا ان الولد أحيانا ما يطيع يتغدى ويجوع بسرعة أريد أتعلم أكلات خفيفة وبسيطة يحبونها الاطفال أو أكلات تمتن اليهال لانه عيالي ضعاف .. يا ليت بنات تساعدني أكيد اللي عندها عيال مجربة
انا ولدي عمره سنه ونص … بنتي صغيره بعدها عالاكل
العصر مرات اسويله مهلبيه أو كريم كاراميل أو فواكه … ولدي يحب المانجو واااااااااااايد
و مرات اعطيه عيش وروب اذا مب كان ماكل عدل عالغدا
سندويجات جبن مع بطاطا _ كريم كراميل _ سلطة فواكه مشكله _ شوربه
بصرااحـه بنوتتنا اللي في البييت .. تاكل العصر فوواكـه تحب البررتقال والعنب واليح ..
وع المغرب بعد تيوووع وما تقدر تتحمل لين العشا ..
فنعطييها شووربه او نسوي لها اندومي .. لووول مخربينها شوو نسوي ..
بس صح انا لاحظة ان اليهال ياكلون العصر والمغرب اكثر من الظهر والليل..
استغلي الفرصــه وعطيهم وجباات في هالوقت ..
[لاليط تقليه و تحطي عليه حليب و سكر و تترييه يغلظ
كل اللي قالوه الخوات (بلاليط ويا شكر، فرني ، كريم كراميل، مهلبية، فواكه، عصاير، كورن فليكس، بسكوت ويا حليب)
بعد مرات اسويلهم خبز رقاق ويا شوية دهن وشكر يعيبهم وايد..
لقيمات ويا دبس
كيك
بان كيك ويا سيرب الكاكاو أو الفراوله مع الكريمه
وافل أو كريب بالموز والنوتيلا
اممممم وبعد..
مرات اسويلهم شخالة عيش (عيش مطبوخ ولين ويا ماي العيش المشخول) ياكلونه شرات الشوربه يقولون انه يمتن بس ما أشوفهم متنو فديت روحهم والله ..
بان كيك حلو يحبونه اليهال
كاسترد ,,, مهلبيه ,,كورن فلكس
عيش وروب ,,, شبس ,,, معكرونه ,,, قطع ذهبيه من دجاج او سمك او لحم