السلام عليكم خواتي
يمكن يكون موظوع غريب شوي بس أنا عندي قناعة ان لكل انسان سلبيات و ايجابيات في جوانب حياته .. و الخادمة كذلك انسان و لازم نتعامل على هالاساس
طبعا كثرت الشكاوى في هذا الركن عن الخادمات و الكل يذمهن و يذكر عيوبنهن و اخطاءهن
ليش ما نخصص صفحة خاصة و كل وحدة تدخل تقولنا عن ايجابيات خدامتها و شو أكثر شي يعجبها فيها ؟؟
من ناحية شغل البيت طبعا
يعني مثلا وحدة تقول أكثر شي يعجبني في خدامتي طباخها لانها تسوي الاكل بطريقة لذيذة و تحاول تتفنن في
و الثانية تقول اكثرب يعجبني في خدامتي تنظيفها للحمامات و انتم بكرامة .. لانها لما تنظف الحمام تخلي يلق و ريحته منعشة من غير و لا قطرة ماي ع الارض
و هكذا
أنتظر ردودكم و تفاعلكم معانا
حرام كفاية نتكلم عنهم بالسوء خلينا نشوف الحياة من جانب أفضل من هذا شوي
الحمدلله انه ما عندي خدامه
ما شي ……
ماشاء الله عليج يختي موضوع يديد صراحه وعكس المواضيع المتعلقة عن الخدم
اناا خدامتي للحين مرتاحه لها وهاي اول تجربة لي معها
الشي الي يعيبني بها طلاقتها باللغه الانجليزية انا صرت احب اتكلم بالانجلش وياهاكتدريب هههه
والشي الثاني ممممم حسن تدبيرها للبيت يعني احيانا كثيرة انشغل انا عن البيت واطلب منها تكتب الي النواقص من ناحية المطبخ والحمامات عزكم الله ومنتجات البيت وعقب اجيك من وراها من افضى والقى انها مانقصت ولازادت شي وبهالطريقه وايد نحن متفاهمين وراضيه عنها نوعا ما
صراحتها رغم انها اتعرف اني بواقعها
الله يوفقكم يا خواتي وي خداماتكم و تاخذون خيرهم و الله يبعد عنكم شرهم
اتمنى الكثير من التفاعل في الموظوع
, انا توني يايبه حدامه يديده و الي عيبني فيهااااااااااا وااااااااااااااايد و اول مرة اييب خدامه فيها هالحصله ما شالله الله و اكبر
انها ما تجذب و هذا شي مهم الصراحه