السلام عليكم ورحمة الله وبركاته
حبيت أستفسر إذا حد فيكم عند افكار للقاءات اللي تستوي بعد حفلة الملجة ,,
مثلا في حد من الرياييل يزور زوجته كل أسبوع ,,
لهذا السب حابه تشاركوني بأفكاركم ,, عشان أكووون دايما بلووك مختلفة ,,
أتمنى من كل وحده تدخل تشاركني بخبرتها وتجربتها فالموضوع ,,
و مشكورين مقدمــــا ,, ^_^
في ايام ملجتي ريلي كان يزورني كل الويكند يعني كل الجمعه فكل ما يزورني اغير من لوكي يعني أول ايام كنت البس مخاوير بالوان وموديلات مختلفه.. وبعدين يوم تعودت عليه كنت البس تنانير وقمصان طبعا ما كنت البس شيله لاني احب البس مع كل بدله نفس لون سكارفات…. كل مره اتمكيج له بمكياج يناسب البدله واستشور شعري…. كل مره يوم يشوفني لازم يمدح ويقول لي ماشاءالله عليج اليوم محلوه فهالبس وانا مول استحي هههههههههه…….
مب بس اغير من لوكي مرات اطبخه اسويله شي عسب ياكل من طبيخي…….
لو توج مالجة…… خليها تعارف وصداقة
اهم شيء تعرفين كل شيء عنه …. بالتفاصيييل 
عسب يحس باهتمامج
طبعا اهم شيء في الزيارات ((( انتي))) لازم تتكشخين وتتعدلين ….بس مو بشكل مبالغ
حاولي تكونين بنوتة وطبيعية وعفوية ….البسي بدلات او مخورات … اي شيء حلو عليج
وحطي ميكب خفيف …. مثل ما تعرفين … لا تتكلفين واايد ….
وشعرج لميه بطريقة حلوة ونوعي فيه …قد ما تعرفين
ولا تنسين اللوشنات خاصة بايدج ……علشان لما يسلم عليج … يحس بالنعومة
والعطور و دهن العود …… خليه يشم ريحتج من بعيييد
و رتبي مكان يلستكم ودخنيه
وهو اللي بيبدأ هذا لو توكم مالجين
حلوووو الموووضوووع ومنكم نستفيييد ..
يعطييج العاافييه ^^
تسلمووون على المشاركة و أتمنى الباجين بعد يشاركونا فالموضوع
خخخخخخخ
والله كنت وايد احاتي هالشي .. وشو اسوي يوم بييني وقت المجلة
و الحمدلله الحين من ملجت زارني مرتين ..
أول مرة لبست قميص و تنورة و سشورت شعري و مكياج خفيف .. و استانس ..
و المرة الثانية لبست له كندورة دلع و كانت صدق طالعه حلوة .. حتى يقول ما شاء الله كل مرة لوك يديد وسشورت شعري و مكياج غير عن اول مرة ..
و الحين المرة الثالثة متلعوزة ما اعرف شو البس؟؟
بيكون عيد ميلاده ولازم شي غيييييييييير ..
للرفع