السلام عليكم
شحالكم بنات وسيدات الامارات 
أنا دوم أدش المنتدى واتابع همومكم ومواضيعكم الحلوه وقلت محد بيفيديني غيركم .gif "12 (56)")
أنا فالوقت الحالي ولاول مرة أحط بشكارتين وموب عارفه كيف أوزع الشغل بينهم أنا يايبه ثنتين ع أساس وحده للاطفال وانا أتابعها أكيييييد موب بروحها وتنظف داخل البيت والثانيه تطبخ وتغسل الثياب وتنظف الحوش والكوي بالنصيفه بينهن يتعاونن بسسسس السوال اي وحده اخليها وياي وحق البيبيات .gif "12 (29)")
دار راسي وانا افكر
وحده فلبينيه 40 عمرها كملت 3 شهور عندي وتعرف كل شي فالمطبخ ونظام بيتنا
الثانيه اندونيسيه 27 عمرها توها مكمله اسبوع مشتغله قبل بس بعدني ماعلمتها شي فالمطبخ تعرفون رمضان وموووول مافيه وقت اعلمها بس تعلمت شوي تمسك الصغاريه تبدلهم ملابسهم واشوفها واشرف عليها
مادري اي وحده احسن للصغاريه الكبيره الفلبينيه وهيه طيبه تراها ولا الاندونيسيه وبعد لين احين اشوفها اوكيه
عطوني رايكم بارك الله فيكم
امممممم بصراحه ماعرف ,,,
بس الكبيره خليها للمطبخ و جيه و تراقب العيال لو شفتيها زينه معاهم
و الصغيره خليها للتنظيف و الغسيل ,,, يعني يتعاونن
بس يوم تظهرين ولا شي شلي الصغيره احسن هابه ريح خخخ فيها نشاط
انااشوف تخلين الفلبينيه الكبيره للصغاريه و بعد تشتغل فالبيت
و الاندونيسيه خليها لشغل البيت لانها صغيرة
و هالاندونيسيات ينخاف منهن لا تخلينها للصغاريه
و الراي الاول و الاخير لج حبووبه ^_^ *
الله يوفقج
6212 اغاثة الصومال 20 درهم
6215 اغاثة الصومال 100 درهم
ربي يوفقج أختي
عن أبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ
: « مَنْ جَلَسَ مَجْلِساً كَثُرَ فِيهِ لَغَطُهُ ،
فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ :
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ
أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ »
6604 إفطار صائم 10 دراهم
6605 كسوة العيد 20 درهم
6210 صدقة عامة 10 دراهم
6602 رعاية معاق 10 دراهم
مشكورات غناتي ع ردودكم الحلوه وانا أحين الاندونيسية مخلتنها تشوف كل شي وتتعلم وانا اتابعهن بس بصراحه الأغلبيه من الأهل قالن الفلبينيه أحسن للصغاريه كاسلوب تعامل وصبر والاندونيسيات للطباخ أضبط
وشوركن وهداية الله وربي يوفقكن في بيوتكن ويحفظ عيالكم واللي ماتزوجت ربي ايسير دربها
وبعد انتظر ردودكم …
انا من رأيي أشوف انهن يتناوبن في الشغل يعني سلمتي وحده منهم شغل رقم 1 والثانية شغل رقم 2 الأسبوع اللي بعده تعكسين ليش هالطريقة ؟؟ لسبب الأول حتى لا تقول وحده منهن ظلمتيني وانا شغلي أكثر وتستوي مشاكل من بينهم والسبب الثاني حتى أطفالج لا يتعودون على شغالة معينه ويتمسكون فيها شرات باقي البيوت انشوف الياهل متمسك بالشغالة جنها أمه!!!!! الحمد لله والشكر على امهات هالجيل
طبعاً هذا رأيي الشخصي ولج حرية التصرف بالتوفيق عزيزتي