أروع ما اتعلمت من الغاليه امي ربي يحفظها و يخليها

بما اني ساكنه في بيت بروحي و زوجي يغيب أسبوع و يرجع ، يتني امي زياره فتره و نبهتني لبعض النقاط:

1. أسوي لي غرفه ثانويه عاديه غير غرفة نومي، مب لازم أخسر على تأثيثها، قالت لي ارقدي فيها انتي ويا اليهال في فترة غياب زوجج و سكري غرفتج بالمفتاح بعد ما اتنظفينها ، لا تدخلها شغاله ولا تخيس و بأي وقت ريلج بيي بتكون نظيفه.

2. الغسيل حددي له أيام معينه بس و حاليا حددت الاثنين لغسيل ثيابي و ثيابه و الثلاثاء لكويهم ( الشغاله الأولى) و الثلاثاء لغسيل ثياب اليهال و الأربعاء كويهم ( الشغاله الثانيه) و بهالطريقه بكون افتكيت من كوي و غسيل آخر الاسبوع. و وفرت صابون الثياب بدل ما كانوا يغسلون عالقطعه و حرام من حقهم الشغالات يرتاحون شوي من الكرف مال خلال الاسبوع.

3. أغراض المطبخ الزياده مثل الكراتين تنحط بالستور مب بالمطبخ لان الشغالات يلعبون لعب و ضروري تنتبهين و تحاسبين. مثلا القصدير ما أخليهم دوم يستخدمونه و قالت لي ييبي بداله العلب البلاستيكيه الحافظه.

4. خذت لي من كارفور من صوب الشراشف مفرش عازل ينحط تحت شراشف اليهال في شباريهم عشان اذا شي انصب او وحده سوتها على عمرها و هي راقده ، يتنظف المفرش مب الدوشك بكبره.

5. انا من عرست ما قد خليت حد شاف قمصان نومي ولا يغسلها، أغسلها و أغسل ملابسي الداخليه وانا بالحمام و اعلقها تنشف و من تتجمع اخذهم احطهم بالغساله، ليش أبطل عيون الشغاله على لبسي اللي ألبسه و الخاص فيني.

6. سويت جدول قسمت فيه شغل الشغالتين بالتساوي عشان ما أظلم وحده و عطيتهم اياه و بين فتره و الثانيه أحاسبهم على اللي ما سووه بأسلوب طيب ، حتى تنظيف المكيفات و الستاير حطيته من ضمن التنظيف الشهري.

7. الدخون اللبان يعتبر قاتل ممتاز للحشرات ، استخدمه بالمطبخ و البيت عقب الغداء عشان يطير الريحه و البيت يبت له من شركة هايجين معطرات الجو المؤقته الوحده ب 115درهم و ايون يعبونها لي شهريا ب 15 درهم فقط و تسوي ريحه حلللللللللوه بالبيت، حطيت بالحمامات و الغرف، والله ادش حمامي ريحته طرررررررررررر حتى ريلي استانس عالريحه ، و مرات ادخن البيت عالعصر ومرات لا.

8. القلايه برا المطبخ، شريت من ايكيا طاولة حديد و حطيت عليها جوله مسطحه و وصلتها بسلندر غاز و ما عدت اشم روائح بالبيت.

9. الجوله مالت الطباخ ما صار لها سنه و بدت تبان جديمه، اتصلت بشركة الصيانه و طلبت تنظيف العيون و تبديل المفاتيح و فتحت الزجاج الامامي مال الفرن بالسكروب و غسلناه و نشفناه و ردينا ركبناه( طبعا الهندي اتفلسف و قالي لا تبطلونها نحن بنظفها عن تكسرونها بس حسيته يخرط ، الموضوع عادي و ما يباله كل هذا، و صار الفرن يلللللللللمع)

10. بالنسبه للأرضيه انا ماحب ريحة الديتول دوم لاني حامل، استخدم " سمر" محلول وردي و ريحته ورد و هاااااااااديه ، حلو بصراحه

هذا اللي يحضرني و اذا اتذكرت شي بخبركم