بدخل ف الموضوع على طول
السالفة مب عندي السالفة تخص أبوي
من فتره كله أشوفه كله اييلس روحه ف الصاله عساس يشوف الاخبار. لكن يوم نمر صوبة نشوفه مندمج على البلاك بيري و يتم لين الساعة 1 الفليل تقريبا يالسه على الفون
و الى قاهرني اكثر من كمن يوم
كان توه داخل البيت .. عطول من رن فون طلع و ما رجع غير عقب ساعة
و امس كنت انا و أختي طالعين وياه ،، ياه اتصال و ما قال شى غير ( شوي و بدق )
وأنا اعرف انه يكلم بنت
أبي أوقفه من هالشي قبل لا ماما تعرف بالسالفه
الحين ما يمر علي يوم إلا لازم أصيح قبل لا ارقد
ما اعرف شو أسوي
أحس انه بيضيعنا وياه
انا فكرت أني أدق لخدمة الأمين و أقول لهم السالفة و يمكن يحلون الموضوع
لكن أخاف شي يستوي
تنصحوني شو أسوي
لاحول صدق موقف صعب الله يعينكم ننتظظر اراء البنات
الله يعينج
ما أدري يمكن لو أنا أمر بهالموقف أقوله بابا تكلم منو أستهبلي يعني سوي عمرج مو فاهمه الموضوع
بس عشان تحرجي و يمكن يحس ع عمره ويقول أنا شو يالس اسوي و يترك هالسالفه
الله يكون بعونكم وإن شاء الله ربنا يهديه و يرجع نفس قبل
الله يعينكم
لازم تتصرفين بسرعة قبل لايطيح الفاس فالراس
كلمي حد عود في العايلة عن شكوكج وخليهم يتفاهمون وياه
انتي قلتي يمكن يكلم بنت بس مش اكيد
والله هالبلاك بيري ويفون وجلاكسي دمر البيوت حسبي الله ونعم الوككيل
اتاكدي من الخبر اول وعقب قولي بابا منو تكلم ولا حاولي تشغلونه بشي اي شي
خذي تليفونه لما يصلي او شي و شوفي شو فيه
ابوج ريال كبير و فاهم اللي اتقول كلمي كبير العايلة , بالعكس بتكبرين المشكلة و هو ريال كبير شوره بايده مب محتاي حد ينصحه
عليج بالاستغفار و قيام الليل