أتمنى تساعدوني وبالأخص المتزجات صديقتي تعبانة

السلام عليكم ورحمة الله وبركاتة
بكتب لكم مشكلة ربيعتي وطلبتكم إدعولها .. ولى تقدر تشور على تقولى يمكن تستفيد منا ونقدر نساعدها ..
ربيعتي الله يفرج همها .. متزوجة زواج تقليدي وزوجها أول رجال فحياتها وصار لها متزوجة من 3 سنين .. بصراحة ماعرف كيف أبدى .. هي من ملكت زوجها على أتفه الإمور يزعل وياخذها زعلة لسبوع وهي تحاول تراضية ولا يرضي لين تطيح من راسة ويرضي .. قالت هذة بداية العمر لا زم أستحمل وستحملت زعله ومشاكلة التافهة .. وبصراحة أيام المكلة كانت أيام عادية يعني مافيها شي غريب .. بس تقولي هى كانت صادقة فكل شي معه بس هو كان يكذب عليها .. أقل مثال كان يقولها أنا ماحب الكلام فالتيفون .. يقول لها كذا بس يكلم إلى يبى وهي ما يكلمها .. مرة أيام الملكة وعرست .. على فكرة هي ماعندها خبر فالحياة الزوجية كثير .. مر أول إسبوع نفس أيام الملكة تعاملة معها سطحي ولا يحاورها كثير .. وهي دايم تحاول إتقرب منة .. تبي يسولف ويرمسها بس هو ينفر منها .. والله إنها بنت أخلاق وسمعة ولا يعيبها شي وأنا أشهد عليها .. وأول إسبوع العرسان ينبسطو ويطلعو وهي يحليلها والله .. مر أول سبوع عادي وأقل من عادي وفجأة بدى يتغير عليها أكثر فكثر .. ماكان يكلمها أبد دون أى سبب تخيلو عايشين فنفس البيت ولا حتى يناظرها .. حتى الإبتسامة ماكان يبتسم لها .. وهي تكلمه أوقات يرد وأوفات مايرد عليها .. وياكثرها التطنيشات عندة .. ماشالله عليها ملتزمة بصلاتها والقرأن دايم فإيدها .. تخيلون يوم تقولة فلان قوم صلى يثور بوجها ويقول لها أنا أصلى لج ولى لربي .. لهدرجه وصلت فية .. والله إنة يدخل البيت مايسلم عليها .. ولا يسأل عنها تعبانة ؟؟ كلت ولا لا ؟؟ نامت ولا ؟؟ مايعرف عايشة ولا ميتة ؟؟ يدخل البيت يسبح ويطلع .. ويجي ينام ويطلع .. تقولى جنة داخل فندق هب بيت ولا جنة عندة حرمة .. تخيلو حتى فالأعياد والمناسبات الحال نفس ماهو فالعيد تخيلو العيد يوم شافته راحت تسلم علية وتعايدة وربي دفرها عنة وبتعد .. والله إنها ماخلت أي إسلوب ما إتبعتة علشان تغير فية أو إتقرب منة بس ماينفع فية .. إتصالات وماتنفع ومسجات ولا يرد عليها وهدايا ولا تلين قلبة .. لدرجت ماتعرف الحل معة .. لاتعرف تكلمة ولا يرد عليها .. قامت تكتب لة على أوراق وتحطها عند أغراضة حتى لو بغت مستلزمات البيت كتبت لة فورقة وبصراحة وايد مقصر المطبخ مافية أكل وهو ولا مهتم ياكل برع البيت وهي المسكينة ماتلاقى شي تطبخة .. مرة طلبت منة أغراض تعرفون خضار وفواكة وغيرة من أغراض والله شو سوى مر على بيت أبوة وفتح ثلاجة أهلة وخذ منها خيارتين وليمون وشوي طمام وجى .. لهدرجة .. وهو مقتدر يقدرعلى مصاريف البيت .. الله يسامحة بس .. حاولت معه تكلمة ماتقدر توصل لة .. مايجلس بالبيت وإذا جى يجي متأخر وينام بالميلس وهي والله تقعد تنتظرة طول الليل لين تنام من الخوف .. إي خوف تخاف وربي البيت كبيييييير وموحش وبروحها فية لا خدامة ولاحد تقعد بالغرفة ماتعرف شو تسوي والله تدق لى كل ليلة تبجى وتقولى ماعيشة هذة .. أنا هنا أتعذب وهو ماخذ راحتة وعايش عمرة عادي .. والله ماعرف شو أقولها أصبرها ولا ولاشو..إستمر حالها كذا سنتن وألحين فالسنة 3 ماشي تغير .. تقول بصبر يمكن الحال يتغير .. تقولى ودي فياهل يمكن أنسى العذاب إلى أنا فية ويسليني عقب ترجع وتقول كيف بجيب ياهل وهو حتى مايتقرب منى .. وربي خاطري أساعدها ماعرف وش أقول لها وكيف .. والله حتى حالة نفسية جاتها وشافت دكتور نفسي وتاخذ جلسات بس دون مايدري زوجها لأنها عارفة بيمنعها.. تخيلو حتى أدويتها من تخلص مايرضى يجيب لها .. للعلم عمرها 23 وتاخذ جلسات وإذا شلها المستشفي مايتكلم معها وهي تعبت من كثر صداتة عنها .. يوديها المستشفى ويرجعها ولا يسألها شوفيج؟؟شو هذة الأدوية؟؟أبد كأنها غريبة علية .. لا يخليها تختلط فجيران ولا أهله ومانع عنها أي حد يزورها .. والله لوقلت من ليوم لباجر ما بوصل لكم المعانا إلى هي فيها .. ماعرف شو أرد عليها وشو أنصحها ساعدوني .. دعولها .. حالها صعبة مايعلم فيها إلا الله .. أنتظركم تشورو على .. إختكم شجون الغرام

الله يصبرها…..
بس السكوت ماينفع…..
لازم تخبر حد كبير يكون عاقل ويكلمه ويفهمه عن الحياة…..
ويمكن يكون عنده برود……؟يعني يحس بنقص؟
لا تهمل نفسه وحرام تسبب حق نفسها حالة نفسية وهي صغيره؟
والسموحة…………

شو تنتظر !!

الله يهديه ويهديها

خليها تخبر اهله ماتضيع عمرها عند واحد مثله حرام وربي بعدها صغيره وبتحصل احسن منه
خبريه وشجعيها انها تخبر اهله وتستوي قويه 3 سنين في هالعذب حرام

يالله عوووووورتي قلبي والله ماعرف شقول احترت ابى اقولج خليها تصبر بس اشوفها وايد صبرت مابزيد شلي ولا اقول تطلق بعد والله مازين احترت قلبي عورني عليها وين اهلها ليش ماتخبر اهلها يشوفولها حل وياه حررررررررااااااااام هذي مب عيشه معيشها الله يعينه ويهديه خليها تقرى كل ليله سوره البقره ودايم تستغفر وان شالله ريلها الله يهديه