السلام عليكم ورحمة الله وبركاته
شحالكن خواتي؟
بغيت مساعدة جزاكن الله خير، مسافرة ميونيخ الأسبوع الياي ومب عارفة بخصوص حليب بنوتي هل بحصله هناك؟ اعطيها S Gold 26 ودورت في موقع المنتج بس ماحصلت شي وبعد حاولت ادور عن طريق الصيدليات في ميونيخ وماحصل
في وحده انحطت في نفس موقفي؟ رايكم ابدل حليبها من اوصل هناك خاصة انه احتمال انطول لانه رايحين علاج
في انتظار ردودكم
سبحآن الله وبحمده
سبحآن الله العظيم
خذي من هني أحسن ..
أنا سآيره مكه وشآله معآيه 3 علب حليب .. وخلص هنآك .. دورته في كل الجمعيات والصيدليآت عندهم ولا حصلته !!
ويلس ولدي 5 ايام بدون حليب ><
الغالية خذي احتياطج و شلي وياج عالاقل علبتين ولا 3
انا يبت بس علبة وحده وياية بس الحمدلله هنيه لقيت لحليب موجود ….
بس البامبرز غيييير ما لقيت نفس الي يستخدمه مع انه نفس ماركة البامبرز بس مول مب شي مالهم فغيرت له الحفاظ هنيه لماركة ثانية لحد ما نرد البلاد …
ودورت له السيريلاك الي اعطيه ما حصت .. فيه انواع ثاني
اختي.. انا يوم كنت مسافرة سويسرا اسبوعين شليت حق ولدي قوطين حليب بروميل نفس الماركة..
خلص هناك واضطريت اغير الحليب.. شلي 3 اذا اسبوعين..
والبامبرز خذي الجامبو ووزعيهم في الشنطة..
اذا سايرة علاج شلي 3 علب كبار .. او 4
أنا حآولت اغيره له هناك بس ماتقبل اي شي للأسف .. حتى يوم رجعت الكل قال انه ضعف !!